Reja: Milliy iqtisodiyotning qaror topishi va uning makroiqtisodiy ko’rsatgichlari

2-savol. Milliy mahsulotning mazmuni, tarkibiy qismlari va harakat shakllari Jamiyat a'zolarining ehtiyojlari muntazam ravishda yangilanib, miqdoran ko'payib va sifat jihatdan takomillashib borgani sababli, bu ehtiyojlarni qondirishga qaratilgan ishlab chiqarish jarayoni ham to'xtovsiz yangilanib, takroran amalga oshib boradi. Jamiyat miqyosidagi ishlab chiqarish jarayonlarining muntazam ravishda yangilanib va takroran amalga oshirilib turilishi ijtimoiy takror ishlab chiqarish deyiladi.
Ijtimoiy takror ishlab chiqarish ikki ko'rinishida amalga oshirilishi mumkin:
1. Oddly takror ishlab chiqarish;
2. Kengaytirilgantakror ishlab chiqarish.
Oddiy takror ishlab chiqarish bu ishlab chiqarish miqyoslarining o'zgarmagan holda takrorlanishini ifodalaydi. Bu o'zini ichki ehtiyojlarni qondirishga qaratilgan bo'lib, an'anaviy iqtisodiyot sharoitidagi xo'jalik yurituvchi sub'ektlar uchun xos bo'lgan.
Kengaytirilgan takror ishlab chiqarish - bu ishlab chiqarish miqyoslarini muntazam ravishda oshirib borishga asoslangan holdagi takrorlanishidir.
Ijtimoiy takror ishlab chiqarish natijasida mamlakat miqyosida milliy mahsulot yaratiladi. Milliy mahsulot barcha moddiy va nomoddiy ne'matlar hamda xizmatlarni o'z ichiga olib, milliy hisobchilikda yalpi milliy mahsulot (YaMM) deb yuritiladi.
Yalpi milliy mahsulot (YaMM) bu o'z mamlakati yoki xorijda joylashuvidan qat'iy nazar, milliy korxonalar tomonidan yaratilgan mahsulot va xizmatlar umumiy hajmining Jami qiymatidir.
Mamlakat ichkarisida yaratilgan iqtisodiy bu yalpi ichki mahsulotni tashkil etadi. Yalpi ichki mahsulot (YaIM) - bu ma'lum vaqt mobaynida (davomida), masalan, bir yilda yaratilgan va bevosita iste'molchilarga borib yetadigan barcha tayyor mahsulot va ko'rsatilgan xizmatlarning bozor narxidagi qiymatidir.

YaMM

Chet ellardagi milliy korxonalar M3
(3trln)

Milliy korxonalar mahsuloti M2(10 trln)

Xorijiy korxonalar mahsuloti M1(2trln)

Mamlakat ichidagi ishlab chiqarish

YaIM

Hozirgi vaqtda O'zbekistonda yalpi ichki mahsulot ko'rsatkichi hisobga olinmoqda. 2007 yilda yalpi ichki mahsulot 9,5 foizga o'sdi, 2008 yilda 9,0 foiz, 2009 yilda -8,21 foiz o'sish ta'minlandi.

Milliy ishlab chiqarishning yalpi hajmini to'g'ri hisoblab chiqish uchun mazkur yilda ishlab chiqarilgan barcha mahsulot va xizmatlar bir marta hisobga olinishi zarur. YalM hajmini topishda sotilgan va qayt sotilgan mahsulotlarni ko'p marta hisobga olishlarni bartaraf qilish uchun, iqtisodiyotning barcha tarmoqlarida yaratilgan qo'shilgan qiymatlar yig'indisi olinadi.
Qo'shilgan qiymat -bu korxona yalpi mahsuloti bozor narxidan (amortizatsiya ajratmasidan tashqari) joriy moddiy xarajatlar chiqarib tashlangan miqdoriga teng.
T=c+v+m (1) lar yig'indisi va xizmatlar hajmi YalMni tashkil qiladi, undan Aa (amortizatsiya ajratmasi) chiqariladi va sof milliy mahsulot (SMM) qoladi.
YalM-Aa SMM (2)
Tovar qiymatidagi (c + v) moddiy xarajatlarni mahsulotni bozor narxidan ajratib tashlansa qolgan miqdor qo'shilgan qiymatni hosil qiladi.
Yalpi milliy mahsulotga baho berishda nominal va real milliy mahsulot hisobga olinadi. Joriy bozor narxlarida hisoblangan milliy mahsulot nominal milli mahsulot, o'zgarmas qiyosiy narxlarda hisoblangan milliy mahsulot esa real milliy mahsulot deb yuritiladi. Narx darajasi indeks shaklida ifodalanadi. Narx indeksi Joriy yildagi ma'lum guruh tovarlar va xizmatlar to'plami narxlari summasini, xuddi shunay tovarlar va xizmatlar miqdorining bazis davridagi narxlari summasiga taqqoslash orqali hisoblanadi. Taqqoslashning boshlang'ich davri "bazis yili" deyiladi. Agar aytilganlarni formula shakliga keltirsak, u quyidagi ko'rinishni oladi: