Reja: Korxonalarni boshqarishning ilmiy nazariy asoslari

Menejmentning boshqaruv saviyalaridagi vazifalari.

Oliy saviya		Rejalashtirish
O‗rta saviya	Tashkil etish va muvofiqlashtirish		Nazorat
Quyi saviya		Rag‗batlantirish

Tashkil qilish va muvofiqlashtirish vazifasiga sarf qilinadigan vaqt o‗zgarmas holda saqlanadi. Tabiiyki, bu vazifalarning aniq ma‘nosi va ularning murakablik darajasi boshqaruv saviyasiga qarab har hil bo‗lishi mumkin, yuqorida keltirilgan ukmumiy vazifalarni bajarish uchun menejerlar qobiliyat majmuasiga ega bo‗lmoqliklari zarur. Masalan rag‗batlantirish vazifasining muhim tomoni shundaki menejer odamlar bilan o‗zaro muomala qilish qobiliyati hisoblanadi, rejalashtirish va tashkil qilish vazifasi uchun esa vaziyatni tahlil qila olish va qaror qabul qilish qobiliyati zarur. Nazorat vazifasini bajarish uchun menejer, u yoki bu soxada maxsus qobiliyatga ega bo‗lmog‗i, uni yaxshi bilmog‗i va tekshirilayotgan faoliyat mazmunini yaxshi tasavvur qila olishi kerak.Menejmentga sistemali yondoshishning moxiyati - boshqarilayotgan ob‘ektni murakkab ijtimoiy-iqtisodiy, o‗zgaruvchan (dinamik) tizim sifatida ko‗rishni va unga ta‘sir etuvchi muhit omillarini tadqiq etishni taqozo etadi. Bu tizimning tarkibidagi har bir elementning xususiyati, ularning o‗zaro bog‗liqliklari va munosabatlarini hisobga olgan xolda, ularni muvofiqlashtirib, maqsadga muvofiq harakatlanishini ta‘minlash ko‗zda tutiladi. Har qanday murakkab sistemani undan ham kattaroq sistemaning elementi sifatida ko‗rish mumkin, shuning bilan birga, uni tirkibiy qismlar elementlarga va kichik sistemalarga bo‗lib o‗rganish mumkin.

Boshqarishda sistemali yondoshishning qo‗llanilishi maqsadlarni aniq quyishga, bajariladigan ishlar ko‗lamini aniqlashga, tizim doirasida boshqaruv pog‗onalari va masuliyatni to‗g‗ri shakllantirishga yordam beradi. Sistemali yondoshish boshqaruvning barcha pog‗onadagi rahbarlar uchun zarur, chunki asosiy maqsadni shakllantirish va unga erishish uchun tizimning barcha elementlarining maqsadlarini uyg‗unlashtirish talab qilinadi.

Boshqarishga vaziyatli yondoshish boshqaruvning turli usul va vositalaridan vaziyatga qarab foydalanishni nazarda tutadi. Bunda ushbu vaziyatga ichki va tashqi o‗zgaruvchilarning ta‘siri hamda mavjud xolat hisobga olinadi. Boshqacha qilib aytganda, boshqarishda universal, 100 foizga muvaffaqiyatni kafolatlaydigan usul va vositalar yo‗q, chunki hammasining qo‗llanilishi konkret vaziyatga bog‗liq.