Kirish. Ma`lumki hozirda mamlakatimizda iqtisodiyotni rivojlantirish va xalq farovonligini oshirish uchun ko`plab islohotlar amalga oshirilmoqda.Xo`jalik yurituvchi subyektlar faoliyatini kengaytirish orqali mamlaktimizda aholi daromadlarini oshirishga xizmat qiladi.Ushbu masalaga ham yurtboshimiz ham har yili murojaatnomalarida alohida to`xtalib o`tmoqdalar." Tadbirkorlikni keng rivojlantirish va bu soha uchun yangi sharoitlar yaratishga barcha imkoniyatlarimizni safarbar etyapmiz. “Har bir oila – tadbirkor” dasturi doirasida o‘z biznesini boshlayotgan oilalarga 5,9 trillion so‘m kreditlar ajratildi….Islohotlarimiz natijasida o‘tgan yili 93 mingta yoki 2018-yilga nisbatan qariyb 2 barobar ko‘p yangi tadbirkorlik sub'ektlari tashkil etildi."1 Demak yil sayin tadbirkorlik subyektlari ko`payishi hisobiga ularni kelajakda samarali ishlashi uchun ularni faoliyatini ayniqsa moliyaviy holatini chuqur tahlil qilib kerakli choralarni ko`rishlari kerak bo`ladi.Bizda ushbu sharoitda moliyaviy tahlil fani yordamga keladi. Korxonalarning moliyaviy holatini tavsiflovchi muhim ko`rsatkichlardan biri bu – rentabellik ko’rsatkichlaridir. Negaki, uning holatiga qarab jami mablag’lar tarkibidan kelib chiqqan holda korxonaning iqtisodiy qaramligi yoki mustaqilligiga baho beriladi. Bu biznesni boshqarish, faoliyatni kengaytirish va sheriklik faoliyatini yo’lga qo’yishda o’ta muhim masala hisoblanadi. Korxona, tashkilot yoki firma ochilish davrida o’z mablag’larini belgilab olishi lozim. Bu ish amalga oshirilgach esa mablag’larni qaysi manbaa xisobiga qoplash kerakligini ko’rib o’tiladi. Agarda korxonaning o’z mablag’lari yetarli bo’lsa o’z mablag’lar manbai hisobiga aks holda esa qarz mablag’lari hisobiga qoplaydi.