Reja: Kirish. Budjetdan moliyalashtirishning mohiyati va uni amalga oshirish usullari

4. Navoiy shahar mahalliy budjetidan umumtaʻlim maktablari xarajatlarini moliyalashtirish mexanizmi.
Navoiy shahar mahalliy budjetidan umumtaʻlim maktablarini saqlash xarajatlari uchun 2019-yilda 66 478,2 mln.soʻm xarajat qilingan. 2020-yilda esa 2 666,3 mln.soʻm xarajat amalga oshirilgan boʻlib, 2019-yilga nisbatan 63 812,0 mln.soʻmga kamaygan holda, oʻtgan yilga nisbatan 4 foizni tashkil qilgan. Bunga sabab esa Oʻzbekiston Respublikasining “2020-yil uchun Oʻzbekiston Respublikasining Davlat budjeti toʻgʻrisida”gi Qonuniga¹⁶ asosan maktabgacha taʼlim tashkilotlarining birinchi va ikkinchi guruh xarajatlari Oʻzbekiston Respublikasi Xalq taʼlim vazirligi orqali respublika budjetidan mablagʻ bilan taʼminlashga (moliyalashtirilishga) oʻtkazilganligi hisobiga kamaygan.
2021-yilda esa 3 651,5 mln.soʻmlik xarajat amalga oshirilgan boʻlib,
2020-yilga nisbatan 137,0 foiz, 985,2 mln.soʻmga koʻpaygan (6 - ilova, 5 - rasm).
Shuningdek, Xalq taʼlim sohasi uchun ajratilayotgan mablagʻlar hisobidan Shahar Xalq taʼlimi boʻlimi hamda Barkamol avlod markazining barcha xarajatlari Shahar mahalliy budjeti hisobidan amalga oshirilayotgan boʻlib, Shahar Xalq taʼlimi boʻlimi tomonidan 2019-yilda 1 414,4 mln.soʻm xarajat qilingan.
2020-yilda esa 1 605,4 mln.soʻm xarajat amalga oshirilgan boʻlib, 2019-yilga nisbatan 194,0 mln.soʻmga koʻpaygan holda, oʻtgan yilga nisbatan 113,7 foizni tashkil qilgan.
2021-yilda esa 2 327,1 mln.soʻmlik xarajat amalga oshirilgan boʻlib,
2020-yilga nisbatan 145,0 foiz, 721,7 mln.soʻmga koʻpaygan (6 - ilova).

								6-ilova
Navoiy shahri mahalliy budjetidan 2019-2021-yillarda xalq taʻlimi sohasi boʻyicha amalga oshirilgan xarajatlar toʻgʻrisida MAʼLUMOT
								mln.soʻmda