Reja: Kirish Budjet tashkilotlarida moliyaviy natijalarning maqsad va vazifalarini aniqlash tartibi. Budjet mablag‘lar bo‘yicha joriy yilga moliyaviy natijalar

REJA:
Kirish

1.Budjet tashkilotlarida moliyaviy natijalarning maqsad va vazifalarini aniqlash tartibi.

2.Budjet mablag‘lar bo‘yicha joriy yilga moliyaviy natijalar hisobi va nazorati
3.To‘lovlarni mahsus turlariga doir hisoblashuvlar bo‘yicha joriy yilga moliyaviy natijalar hisobi va nazorati
4.Budjet tashkilotini rivojlantirish jamg‘armasi mablag‘lari bo‘yicha joriy yilga moliyaviy natijalar nazorati
Xulosa
Foydalanilgan adabiyotlar ro’yxati


KIRISH
Yildan-yilga tobora jadallashib borayotgan iqtisodiy integratsiyalashuv va ijtimoiy globallashuv jarayonlari har bir mamlakatga bilvosita ta’sir o’tkazmay qolmaydi. Hukumatlar mazkur ta’sirga o’zining optimal reaksiyasini o’z xalqlarining mentaliteti, qadriyatlari va boshqa o’ziga xos jihatlarini, xususan, iqtisodiy salohiyatini inobatga olgan holda ko’rsatishlari tarixdan ma’lum.
Iqtisodiy jihatdan taraqqiyotga erishgan mamlakatlar tajribalaridan foydalangan holda milliy iqtisodiyotning samaradorlik darajasini oshirish muammosi deyarli har bir rivojlanayotgan mamlakat oldida turgan va hal qilinishi birlamchi ahamiyat kasb etuvchi vazifadir. O’zbekiston Respublikasida ham moliya tizimini yo’lga qo’yishda turli taraqqiy etgan mamlakatlar: Rossiya, Fransiya va Germaniya mamlakatlari modellaridan foydalanilganligini anglab yetish uchun esa iqtisodchi-kadrdan shu va boshqa mamlakatlar moliya tizimiga oid asosiy bilimlarni egallashni talab etiladi.
Lekin shuni ta’kidlab o’tish joizki, ko’pgina rivojlanayotgan mamlakatlar misolida milliy iqtisodiy modelni yaratishda yo’l qo’yilgan xatolar, ularning oqibatlari rivojlangan mamlakatlar tajribalaridan oqilona foydalanish talabini yuzaga keltiradi. Shu jumladan, mamlakatning iqtisodiy dastagi hisoblangan davlat moliyasi ustidan olib boriladigan nazorat ishlari ham ma’lum me’yorlar yordamida amalga oshirilishi taqozo etiladi.
Bank va moliya sohalarining davlat tomonidan tartibga solinishi, bank kapitalini tizimli nazorat qilishni ta’minlash, shuningdek, bu borada xalqaro moliya institutlarining roli haqidagi masala ekspertlar hamda rasmiy doiralarning mintaqaviy va global darajadagi asosiy muhokama mavzusiga aylanmoqda
Moliya tizimining muhim bo’gini hisoblangan moliyaviy nazorat o’zining shakllari va turlariga ko’ra har bir mamlakatda turlicha amalga oshiriladi. Ularnio’rganish har bir iqtisodchi kadr uchun dialektik dunyoqarashni shakllantirish va ulardan tegishli xulosalarni ishlab chiqarishga xizmat qiladi.
Prezidentimiz tashabbusi bilan 2017-2021-yillarda O’zbekiston Respublikasini yanada rivojlantirishning beshta ustuvor yo’nalishi bo’yicha Harakatlar strategiyasi tasdiqlandi. Ushbu Harakatlar strategiyasidagi oliy maqsadlarni ro’yobga chiqarish maqsadida barcha sohalarga qaratilayotgan e’tibor singari davlat moliyasini boshqarishda xorijiy tajribalardan foydalanib innovatsion usullarni joriy qilish orqali sohani yanada rivojlantirishga alohida e’tibor qaratilmoqda.
Jumladan, “Xarajatlarning ijtimoiy yo’naltirilganini saqlab qolgan holda Davlat byudjetining barcha darajalarida mutanosiblikni ta’minlash, mahalliy byudjetlarning daromad qismini mustahkamlashga qaratilgan byudjetlararo munosabatlami takomillashtirish hamda ilg’or xalqaro tajribada qo’llaniladigan vositalardan foydalangan holda moliya siyosatini yanada takomillashtirish”¹ vazifalari qoyilgan.