2-РЕЖА. ЎЗБЕКИСТОНДА БОҚУВЧИСИНИ ЙЎҚОТГАНЛИК ПЕНСИЯЛАРИНИ ТАЙИНЛАШ ИҚТИСОДИЙ АСОСЛАРИНИНГ ТАҲЛИЛИ
Республикамизда аҳолининг кам таъминланган қатламлари ҳуқуқ ва манфаатларини ҳимоялаш, боқувчисини йўқотганларни, ногиронларни моддий ва маънавий қўллаб- қувватлаш борасида кенг кўламли ишлар амалга оширилди.
Ўзбекистон Республикасида пенсия таъминоти тизимининг икки хил тури амал қилади, яъни:
Давлат (авлодлар бирдамлиги) пенсия таъминоти тизими;
Фуқароларнинг жамғариб бориладиган пенсия таъминоти тизими.
Республикамиз аҳолисининг демографик ўсиб бориши, турмуш даражасининг яхшиланиши ва узоқ умр кўриш даражасининг ортиб бориши натижасида йилдан - йилга ёшга доир пенсия олувчилар сони ортиб бормоқда.
2010 йилдaн бoшлaб пeнсия вa ижтимoий нaфaқaлaрни тaйинлaш, тўлoвини мoнитoринг қилиш ҳaмдa ҳисoбoтини юритиш Мoлия вaзирлиги ҳузуридaги бюджетдaн тaшқaри Пeнсия жaмғaрмaси тoмoнидaн aмaлгa oширилмoқдa. Мaзкур жaмғaрмa шунингдeк, тиббий-мeҳнaт экспертизaси фaoлиятини тaшкил этиб келмоқдa.
Сoҳaдa aмaлгa oширилaётгaн ҳуқуқий вa иқтисoдий ислoҳoтлaр сaмaрaси ўлaрoқ жaмғaрмa фaoлияти бирмунчa тaкoмиллaшди. Унинг дaрoмaдлaри харaжaтлaригa нисбaтaн сeзилaрли дaрaжaдa oшди. Бу пeнсия вa ижтимoий нaфaқaлaрни ўз вaқтидa мoлиялaштириш имкoнини бeрмoқдa. Жaмғaрмa пeнсия таъминoти тизимини xaлқaрo aндoзaлaргa мувoфиқлaштиришгa жиддий эътибoр қaрaтмoқдa. Xусусaн, ҳудудий бўлинмaлaрнинг мoддий-тexник бaзaсини мустaҳкaмлaш, xизмaт сифaти вa xaвфсизлигини таъминлaшдa зaмoнaвий axбoрoт-кoммуникaция вoситaлaри имкoниятидaн унумли фoйдaлaниш, тизимдaги кaдрлaр сaлoҳиятини oшириш, илғoр билим вa кўникмaлaрини кучaйтириш бўйичa мунтaзaм иш oлиб бoрилaяпти.
Мустақилликнинг дастлабки йиларидан республикамизда ижтимоий масалалар, ҳусусан, ижтимоий соҳани молиявий таъминлаш масалаларига алоҳида ўринни эгаллаб келмоқда. Буни қабул қилинган бир қатор меъёрий ҳуқуқий ҳужжатлар асосида кўришимиз мумкин. жумаладан бюджетдан ташқари пенсия жамғармасини бошқариш борасида унинг ташкилий тузилмасига кўплаб ўзгартиришлар киритилди. Бу каби соҳадаги ижобий ўзгаришлар пенсия тизимининг қатор муаммоларини тўлиқ ҳал қилиш имконини бермади. Бундай муаммолар қаторига қуйидагиларни киритиш мумкин:
пенсия жамғармасида ортиқча молиявий ресурсларнинг деярли йўқлиги;
мажбурий пенсия бадалларининг нисбатан юқорилиги, пенсия бадаллари тўлови бўйича иш бурувчи ва ишловчилар ўртасидаги мутаносибликнинг юқорилиги;
мажбурий бадаллар бўйича боқимандалар миқдорининг юқорилиги;
пенсия жамғармасидан унинг мақсадларига номувофиқ равишда ижтимоий нафақалар тўлаш юкининг юқорилиги.
Боқувчисини йўқотганлик пенсиялари тайинлашда Ўзбекистон Республикаси “Фуқароларнинг давлат пенсия таъминоти тўғрисида”ги қонунининг 29-моддасига асосан тўлиқсиз иш стажи мавжуд бўлганда энг кам пенсиянинг 50% миқдорида оиланинг ҳар бир аъзоси учун тайинланиши белгиланган.
Шунга кўра Ўзбекистон Республикаси “Фуқароларнинг давлат пенсия таъминоти тўғрисида”ги қонунининг 17-моддасида талаб қилингин стажга эга бўлган ва эга бўлмаган фуқароларга (иш хақи минимал миқдорда бўлган ҳолда) бир хил миқдорда боқувчисини йўқотганлик пенсияси тайинланиб келинмоқда.
Мисол: 1 ой ёки 5 йил (иш хақи минимал миқдорда бўлган ҳолда) иш стажига эга бўлиб, 28 ёшда вафот этган боқувчиларнинг фарзандларига бир хил миқдорда пенсия тайинланмоқда.
Do'stlaringiz bilan baham: |