Режа: Кириш Асосий қисм

1.Ўзбекистонни ривожлантириш бўйича ҳаракатлар стратегияси ҳақида умумий тушьунча
Мамлакатимизда мустақиллик йилларидаёқ амалга оширилган кенг кўламли ислоҳотлар миллий давлатчилик ва суверенитетни мустаҳкамлаш, хавфсизлик ва ҳуқуқ-тартиботни, давлатимиз чегаралари дахлсизлигини, жамиятда қонун устуворлигини, инсон ҳуқуқ ва эркинликларини, миллатлараро тотувлик ва диний бағрикенглик муҳитини таьминлаш учун муҳим пойдевор бўлди, халқимизнинг муносиб ҳаёт кечириши, фуқароларимизнинг бунёдкорлик салоҳиятини рўёбга чиқариш учун зарур шарт-шароитлар яратилди. Халқимизнинг мустақилликга эришган йилларида бундай буюк ислоҳотлар албатта, Ўзбекистон Республикасининг муҳтарам биринчи президенти И.А.Каримов ташаббуси билан, Миллий ғоямиз ва асосий тамойиллар негизида ривожлана бошланган ва ҳозирги кунгача қилинаётган барча салмоқли ислоҳотларнинг пойдевори бўлиб келмоқда.
Ҳар бир даврнинг ўз тараққиёт босқичлари бўлгани каби, 2016-йил халқимизнинг яна бир янги тараққиёт йўли эшиклари очилди.2016-йил 4-декабрьда мамлакатимизда бўлиб ўтган Ўзбекистон Республикаси Президенти сайлови бўиб ўтди. Юксак савияда бўлиб ўтган сайловда, Тадбиркорлар ва ишбилармонлар ҳаракати-Ўзбекистон Либерал-демократик партиясидан номзод сифатида иштирок этган Шавкат Миромонович Мирзиёев сайловчилар умумий сонининг 88,61% овозини олиб ғолиб бўлди. Демократик талабларга тўлиқ мос тарзда, миллий сайлов қонунчилиги ва халқаро стандартлар доирасида очиқ ва ошкоралик билан сайлов бўлиб ўтди. Айнан шу сайловда бутун ўзбекистон халқи ўзининг буюк сиёсий иродаси, ҳуқуқий маданиятини намоён этиб, мамлакатимизнинг истиқболдаги тараққиёти, халқимизнинг ёруғ келажаги, фаровон ҳаёти учун онгли равишда овоз берди.
2016-йил 14-декабрь куни Ўзбекистон Республикаси Президенти лавозимига кириши тантанали маросимига бағишланган Олий Мажлис палаталарининг қўшма мажлисида Ўзбекистон Республика си Президенти Шавкат Мирзиёев нутқ сўзлади.

Ўз нутқида давлатимиз раҳбари яқин ва ўрта истиқболда мамлакатимиз олдида турган энг муҳим ва долзарб вазифаларга атрофлича тўхталиб ўтди.Президентимиз ўз нутқида “ Бизнинг вазифамиз – тўпланган тажриба ва илғор халқаро амалиётга суянган ҳолда, ўзимизнинг тараққиёт ва янгиланиш модельимизни қат’ий амалга оширишдан иборат. Шу борада яқин ва ўрта муддатга белгиланган марраларга эришиш учун қат’ият билан ҳаракат қилишимиз зарур. Шу мақсадда 2017-2021-йилларда Ўзбекистонни янада ривожлантириш бўйича Ҳаракатлар стратегиясини ишлаб чиқиш яқин кунларда якунланади.Президентимизнинг бевосита раҳбарлиги остида “Халқ билан мулоқот ва инсон манфаатлари йили” Давлат дастурини ҳам ўз ичига оладиган мазкур кенг кўламли дастурий ҳужжат ҳар томонлама пухта ишлаб чиқилди. Ўзбекистон Республикаси Президентининг Ўзбекистон Республикасини янада ривожлантириш бўйич ҳаракатлар стратегияси тўғрисида” ги 2017-йил 7-февральда имзоланган Фармонига мувофиқ, уни ҳаётга жорий этиш бўйича қонуний тамойил ва механизмлар тасдиқланди.

“Стратегия“- бирон-бир ютуқ мақсадга эришиш йўлида тузилган ва у асосида ҳаракат қилинадиган режа ва қоидалар тўпламидир, шунингдек, дунё миқиёсида ва давлат ички ҳаётида иқтисодий, ижтимоий, сиёсий ҳамда бошқа соҳаларда вужудга келган инқирозий вазиятларни прагнозлаштириш ва бартараф этишга қаратилган бошқарувчилик ташкил этиш масалаларига доир тушьунчаларни қамраб олади.Мамлакатимизни янада ривожлантириш бўйича ҳаракатлар стратегиясининг асл моҳиятида, халқимизнинг орзу-умидлари ёғирилган ғоялардан ташкил топган миллий мафкуранинг ифодаси ётади.Тараққиёт ва юксак ривожланишга эришган давлатлар тажрибасига кўра, ҳар бир халқ ўз олдига улуғ ва истиқбол мақсадларни қўйиши ҳамда уни амалга ошириш салоҳиятлари билан жаҳон ҳамжамиятида муносиб ўрин эгаллайди. Бугун Ўзбекистон ҳам ўз тарихининг ана шундай мас’улиятли чорраҳасида турибди, десак, муболаға бўлмайди. Бинобарин, Президент Шавкат Мирзиёев томонидан ишлаб чиқилган Ҳаракатлар старатегияси истиқболимиз тақдирини ҳал этувчи муҳим ва янги давр босқичини ифодаловчи миллий ғояга айланмоқда.