Режа: Кидирув ишларининг таснифи. Лойихалаш боскичлари. Геодезия хакида кискача маълумот

3. Геодезия хакида кискача маълумот.
Ер усти тузилиши тог, дарё ва чукурликлар шаклини ўрганиш учун ўлчаш турларини ёритиш, шунингдек махаллий шахар, кишлок, йўл, арик, ўрмон, боткоклик, хайдалган майдонларнинг ўзаро жойлашувини кўрсатиш, юкоридаги барча ўлчовларни ўргатувчи фан геодезия деб аталади.
Геодезия бутун ер юзаси текисликларини юкоридан ва унинг маълум бир юзасини пастдан (топография) ўрганиш турларига бўлинади.
Унча катта бўлмаган худудларда ер юзаси, кайсики умумий ер майдонига нисбатан жуда кичик бўлиб оддий текисликка айланиб колувчи кисмларини умумий геодезия ва топография фани ўлчайди.
Ер юзасини геодезия услубларида ўлчаш ва ўрганиш натижалари охирги кўринишда режа (план)ни ташкил этади. У ер юзасининг унча катта бўлмаган худудни уфк текислигига маълум бир масштабда туширилган соя шаклини ифодалайди. Худуд шакли, кўриниши аэрофото ва нивелирлаш йўли билан режа ва топографик хариталарига туширилади. Геодезия ишларида нивелирлаш усули билан ер юзасидаги икки нукта орасидаги фаркни аниклайди. Шунинг учун хам геодезия бошка аник фан (математика, физика, астраномия, радиотехника, геология ва бошка)лар билан узвий богланган деб юритилади.

17-расм. Геометрик нивелирлаш чизмаси

Геодезия асбоблари ва улар ёрдамида ўлчаш турларини илмий асослаш хамда уларни ўрганиш геодезиянинг амалий масалалари хисобланади. Геодезияда суратга олиш аник тадбирларни амалга оширишда, масалан автомобиль йўлини куриш ёки уни конструкциясини ўзгартиришда амалга оширилади. Ер юзасини самолёт (тайёра) ёки верталёт ёрдамида суратга олиш «Аэрофотосъёмка», карта тузиш тугрисидаги фан – «Картография» деб аталади. Геометрик нивелировка гояси худуддаги бир-бирига нисбатан паст ва баландда жойлашган иккита нуктани ўлчашдан иборат. Агар А ва В нукталар устидан хаёлий N N уфк чизиги ўтказилса, А ва В нукталарга ўлчов таёгини тик холатда кўйиб а ва b кесмалар узунлиги топилади ва тузилма бўйича куйидагилар аникланади (17-расм).