Режа: Ислом вужудга келган даврда Арабистон ярим оролидаги ижтимоий ва диний ҳолати шарт- шароитлари

Расул (элчи) пайғамбарларга эса худо томонидан алоҳида китоб ва шариат берилгандир.
Пайғамбаримиз Муҳаммад с.а.в. ҳам набий ҳам расул пайғамбарлардан ҳисобланади.
Ислом динининг пайғамбари Муҳаммад саллалоҳу алайҳи вассалламдир. У киши милодий 571 йил 21 апрел кунида Макка шаҳрида дунёга келганлар. 632 йил 8 июнда Мадина шаҳрида вафот этганлар. Шамсий йил ҳисоби бўйича пайғамбаримиз 61 ёшу, 1 ой, 18 кун, қамарий йил ҳисоби бўйича 63 ёшу, 3 ой, 3 кун умр кўрганлар.
Оталарининг исмлари Абдуллоҳ,
Оналарининг исми Омина
Ҳадича бева аёлга 25 ёшларида уйланганлар.
Пайғамбарлик 40 ёшида келган, 23 йил пайғамбарлик, 19 марта жиҳод, 4 марта умра ва 1 марта ҳаж қилганлар.
Абдуллоҳ Пайғамбаримизнинг оталари улар туғилмасдан 2 ой аввал Сурия сафаридан Маккага қайтаётганда Мадина шаҳрида касалланиб 25 ёшида оламдан ўтадилар.
Пайғамбаримизни оналари дард кўрмасдан, суннат қилинган ва киндиклари кесилган ҳолда туғадилар. Орқаларида, икки кифтининг орасида пайғамбарлик муҳри-ҳоллари бўлган. Боболари пайғамбаримизга Муҳаммад деб, оналари Омина эса Аҳмад исм қўйганлар.
Пайғамбар туғилган пайтларида бир қанча ғайриоддий ҳодисалар рўй берди. Каъбадаги бут-санамлар йиқилди, Эрон шоҳи Ҳусравнинг саройи тебраниб, бутлари синиб кетди, Оташпарастларнинг минг йилдан бери ўчмаган оловлари сўнди, Сова кўли тошиб ўша мамлакатда сув тошқини бўлди.
Омина Пайғамбаримиз оналари уларни 7 кун эмизадилар. Ундан сўнг чўри аёл Сувайба, Марваҳа, Умму Айманлар эмиздилар. Энг кўп сутган берган аёл Ҳалима бўлди. Пайғамбар Ҳалима тарбиясида 4 ёшигача бўлди. Оналари тарбияларида 4 ёшдан 6 ёшгача бўлди. Ундан сўнг боболари Абдулмуталлиб қўлларида 8 ёшгача, амакилари Абу Толиб қўлларида балоғатга етгунича тарбияландилар.
Исломдаги асосий оқимлар ва мазхаблар.
Ислом динига амал қилувчилар маълум сабабларга кўра 3 йўналишга ажралдилар.

1. 
   хорижийлик
   
2. 
   суннийлик
   
3. 
   шиъалик
   

Хорижийлик ҳозирги даврда деярли йўқ бўлиб кетган. Суннийлик ва шиъалик ҳозирда амалда. Ҳозирда исломдагиларнинг 92,5% суннийликка, 7,5% шиъалик мазҳабларига мансуб.Ҳозирда Жазоир, Тунис, Уммон, Танзанияда жуда оз бўлса ҳам учрайди.
Суннийлик деб диний қонун-қоида ва тартиботларга амал қилишда Қуръон Карим ва Пайғамбар ҳадислари яъни Суннага бирдек риоя қилувчиларга айтилади. Суннийликнинг тўлиқ номи «Аҳли сунна вал жамоа»дир. Сунна арабча сўз бўлиб одат, анъана, ҳатти-ҳаракат тарзи маъносини англатади.