Reja I. Kirish I

1.Tarbiyachining oilani borib ko‘rish. Bola yashab turgan oilani o‘rganishi, ota-onalar bilan yaqin aloqa o‘rnatish va ularga yordam, maslahatlar berishning samarali yo‘llaridan biridir. Tarbiyachi oilaga tekshiruvchi sifatida emas, balki maslahatchi, do‘st sifatida bola tarbiyasiga yordam beruvchi shaxs sifatida boradi. Tarbiyachining oilaga borishidan asosiy maqsadi bola tarbiyalanayotgan sharoitni ko‘rish va zarur bo‘lsa, ota-onalarga yordam ko‘rsatishdir. Tarbiyachi har bir oilaga har gal borishdan avval, o‘z oldiga aniq maqsad qo‘yish, qaysi mavzuda suhbatlashishni oldindan belgilab olishi lozim. Demak, ota-onalarga beriladigan savol oldindan puxta o‘ylangan bo‘lishi kerak. Suhbat shunday tuzilishi kerakki, tarbiyachi bilan ota-ona bir-birlarini yaxshi tushunishlari va ular o‘rtasida ishonchli aloqa o‘rnatilishi kerak.
2. Ota-onalar bilan shaxsiy suhbatlar. Oila bilan shaxsan ishlashning keng tarqalgan usullaridan biri suhbat bo‘lib, bu bolalarni ertalab qabul qilish va kechqurun jo‘natish paytida o‘tkazish mumkin. Bu suhbat tarbiyachi bilan ota-onalarning birbirlari bilan yaqinroq tanishlariga, ularga bolaning hayoti haqidagi ma'lumotlar bilan xabardor qilishlariga, uning muvaffaqiyati va kamchiliklari, hulqi, sog‘lig‘idagi o‘zgarishlarni kuzatishga yordam beradi.
3. Guruhiy maslahatlar va majlislar. Guruhiy maslahatlar mavjud ma'lumotlardan ularni xabardor qilish emas, balki oilaviy tarbiya tajriba almashinuvini nazarda tutadi Ota-onalar bilan muloqot qilish ota-onalarga jamoa bo‘lib, guruh bo‘lib maslahatlar uyushtirishning mazmunini aniklashga yordam beradi. Ota-onalarning guruhiy majlisida hamma guruh bolalarining ota-onalari, parallel guruhlar ota-onalari va katta guruh bolalarining ota-onalari taklif etiladi. Umumiy majlisda ota-onalarni maktabgacha yoshidagi bolalarni rivojlantirish va tarbiyalash vazifali, shu yilgi rejalar, ota-onalar raisining faoliyati, oila tarbiyasidagi ilg‘or tajribalar bilan tanishtiriladi. Birinchi umumiy majlis o‘quv yilining boshida o‘tkazilsa, ikkinchi umumiy majlis o‘quv yilining oxirida o‘tkaziladi. Bunda maktabgacha ta'lim tashkilotining o‘tgan yildagi ish yakunlari haqida ma'lumot beriladi.
4. Ota-onalar va maktabgacha tarbiya muassasalarta'lim tashkilotlari xodimlarining birgalikdagi faoliyati. Ota-onalar bog‘cha maydonini ko‘kalamzorlashtirish, uchastkadagi jihozlarni va qo‘llanmalarni ta'mirlash, xonalarni qishga tayyorlash, sog‘lomlashtirish ishlarini o‘tkazishda yordam ko‘rsatishlari, yangi o‘quv yiliga tayyorgarlik vaqtida sanitariya ishlarida, bolalarni sayohatlarga kuzatib borishlarida ishtirok etishlari lozim. Agar ota-onalar orasida fotosuratchilar, quruvchilar, rassomlar bor bo‘lsa, ular maktabgacha ta'lim tashkilotlariga bevosita yordam berishlari kerak.
5. Ota-onalar uchun kechalar va to‘garaklar uyushtirish. Maktabgacha ta'lim tashkilotlarida ota-onalar va boshqa oila a'zolari uchun o‘tkaziladigan kechalar mavzuli xarakterga ega bo‘lib, «Bola loy, ota-ona kulol», «Bola aziz, odobi undan aziz» kabi mavzularni tanlash mumkin