Режа: Ходимлар билан муносабатни қандай қурмоқ керак

Мотивлаштириш - меҳнат унумдорлигини ошириш гарови
Мотивация (қизиқиш, қизиқтириш) - меҳнат унумдорлигини ошириш усулидир. Мотивация - бу кишида ишни сиз хоҳлаган йўсинда бажариш истагини шакллантиришга эришиш маҳоратидир. Мотивациянинг уч томони мавжуд: иш, ходимлар ва раҳбар.
1. Иш маълум аҳамиятга эга ва руҳан қониқтирувчи, шунингдек, умумий ишлаб чиқариш жараёнида муҳим ўрин тутади деб қаралиши керак.
2. Ходимлар чиқарилаётган маҳсулот учун жавобгарликнинг маълум қисмини ўз зиммасида эканлигини яхши англашлари, яъни уларда маълум даражада масъулият ҳисси бўлиши керак. Иш жойи ортиқча стрессли вазиятлардан холи, ёқимли бўлиши керак.
3. Раҳбар ходимларини яхши иши учун қадрлаши ва мукофотлаши, ишнинг сифати ва бажарилиш тезлиги бўйича таклифлар киритиши керак. Ходимларингизнинг ҳар бири учун нима энг яхши мукофот эканлигини билиб олинг. Ходимлар мотивацияси - бу раҳбар учун энг қийин ва энг муҳим вазифадир
Одамларни нима билан қизиқтириш мумкин. Биринчидан, келинг мотивацияни уч тоифага бўлиб оламиз.
1. Ходимлар ва мотивация.
2. Мотивация ва раҳбар.
3. Ходим ҳамкасблари ва мотивация.
Ходимларни унумли ишлашга ундовчи тўртта сабаб бор:
а) иш кутилаётган натижага эришиш воситаси ҳисобланиши керак, масалан
юқори лавозимга кўтарилиш, маошнинг ортиши ва хоказо;
б) иш - мажбуриятнинг бажарилиши, иложи борича яхши ишлашингиз
зарурлигига ишонч воситаси; бажарилган ишга ижобий муносабат одатда
оилада, мактабда, маданий анъаналарда уқтирилувчи этикага асосланади;
в) ишларнинг бажарилиши Сизга мақсадга эришиш, қониқиш ҳиссини
беради;
г) иш - бу янги қобилият ва маҳоратлар орттириш, уларни
такомиллаштириш, янги билимлар олиш, янги чўққиларга кўтарилиш усули.
Ана шу тўрт сабабнинг ҳар қайсиси мотивация бўлиб хизмат қилиши мумкин - натижага эришиш воситаси, мажбуриятларнинг бажарилиши, қониқиш ёки янги маҳоратлар орттириш.
Қайд этилганидек, мотивациянинг иккинчи хили - бу раҳбар билан муносабат мотивацияси. Бошлиғингиз Сизни ишга сизда уни хурсанд қилиш иштиёқи борлиги билан ёки қўрқитиш билан жалб қилиши мумкин. Бошлиққа ёқиш учун Сиз ишни яхши бажаришга интиласиз. Шунингдек, мукофот албатта моддий бўлиши шарт эмас. Бу мақтов, тан олиш, маъқуллаш бўлиши ҳам мумкин.
Учинчидан, мотивация ҳамкасбларингиз билан боғлиқ. Тадқиқотлар кўрсатишича, ўз иши билан ғурурланувчи ёки боадаб иш гуруҳлари унумдорроқ ва шундай гуруҳ аъзолари бажарилган ишдан кўп қониқиш оладилар. Шундай қилиб, хизматчи учун ҳамкасблар томонидан таъсир мотивацияси жуда кучли. Бу шунингдек, мусобақа, аниқ шахсни ёки гуруҳни қувиб ўтишга интилиш. Албатта тан олиш керакки, агар ишчи мотивацияга эга бўлмаса, бу доим ҳам раҳбарнинг айби эмас. Баъзи одамларга умуман ўргатиш мумкин эмас ва нима қилинишидан қатъий назар, улар мотивацияга берилмайдилар. Кўпчилик ҳақида гапирадиган бўлсак, албатта бу раҳбарга боғлиқ, меҳнат унумдорлигини ошириш мақсадларига эришиш, уччала тоифа мотивацияни бирга ҳисобга олиш унинг қўлидан келишига боғлиқ