Reja: Harakatlar strategiyasi

«Ijtimoiy sohani rivojlantirish» yo`nalishi
Ushbu o`tgan davr mobaynida aholining turmush darajasi ortishi qayd etilgan. O`rtacha oylik ish haqi 2016 yilda 1,3 mln. so`mdan 2020 yilda 2,6 mln. so`mgacha oshdi. Shu davr ichida aholi jon boshiga jami daromad esa 5,8 mln. so`mdan 11,7 mln. so`mgacha o`sdi.
Sog`liqni saqlash sohasini mustahkamlash davom etmoqda: byudjetdan ushbu soha uchun ajratiladigan mablag`lar 2,1 barobarga oshirildi, tibbiy muassasalarning moddiy-texnik bazasi 7,5 trln. so`m miqdorida mustahkamlandi.
2017-2020 yillarda O`zbekiston dori-darmonlar va tibbiy maqsadli buyumlar uchun 1618 mlrd. so`m ajratdi (1991-2016 yillarda 227 mlrd. so`m bo`lgan). Ulardan 61,6 mlrd. so`m qismi onkologik kasalliklarni davolash uchun dorilarga (1991-2016 yillarda 8,3 mlrd. so`m), 217,4 mlrd. so`m – gematologiya va onkogematologiya uchun dorilarga (1991-2016 yillarda 2,8 mlrd. so`m) yo`naltirilgan.
Xalq ta`limi tizimida islohotlar natijasida 2017-2020 yillarda 328 ta yangi maktablar barpo etildi va 11-yillik majburiy maktab ta`limi tiklandi.
Maktabgacha ta`lim tizimida katta o`zgarnishlar yuz berdi. 2016 yilda 5,2 ming bolalar bog`chalari faoliyat yuritgan bo`lsa, 2020 yida ular 18,3 mingga etdi (shu jumladan davlat bog`chalari soni 5 mingdan 6,2 minggacha oshdi). Bolalarning maktabgacha ta`lim bilan qamrab olinishi darajasi 2020 yilda 61% ga etdi, 2016 yilda esa 27,7% bo`lgan edi.
Pedagog va tibbiy xodimlarni majburiy mehnatga jalb qilish amaliyoti bartaraf etildi. 2019 yildan boshlab ishlayotgan nafaqaxo`rlarga pensiyalar 100% miqdorida to`lana boshladi.
O`zbekistonda qambag`allikni qisqartirish bo`yicha faol ishlar olib borilmoqda: qambag`allik darajasi 2000 yildagi 28% dan 2020 yilda 11% gacha qisqardi. Kam ta`minlangan oilalar bolalar bog`chalari uchun to`lovlardan ozod etilgan, kam ta`minlangan oilalarning bolalari bo`lgan maktab o`quvchilari mavsumiy kiyim bilan ta`minlanadi. «Temir daftar», «Ayollar daftari» va «Yoshlar daftari» ro`yxatlariga kiritilgan fuqarolar kasbiy ta`lim, ishga joylashtirish va moliyaviy yordam shaklidagi davlat ko`magini oladi.