Reja: G’aznachilikda yuridik va moliyaviy majburiyat tushunchasi

G’aznachilikda yuridik majburiyatlarni ro’yxatga olishning maqsadi, zarurligi va huquqiy asoslari.

Reja:
1.G’aznachilikda yuridik va moliyaviy majburiyat tushunchasi.

2. G’aznachilikda yuridik va moliyaviy majburiyatlarni qabul qilishning huquqiy asoslari.
3.G’aznachilikda shartnomalarni ro’yhatga olish va xarajatlar to’lovini amalga oshirish tartibi.
4. G’aznachilikda yuridik majburiyatlarni ro’yxatga olishning maqsadi, zarurligi va huquqiy asoslari.
KIRISH
Mamlakatimizda davlat byudjetining g’azna ijrosini samarali tadbiq etishga faqatgina barqaror rivojlanish ko’rsatkichlariga erishganimizdan keyingina muvaffaq bo’lindi.O’zbekiston hukumati davlat moliyasini boshqarish tizimida ham keng qamrovli islohotlarni muvaffaqiyatli amalga oshirib kelmoqda. Bu islohotlarning ijobiy natijalarini davlat byudjeti g’azna ijrosining muvaffaqiyatli joriy etilishida ko’rishimiz mumkin.
Davlat byudjetining g’azna ijrosi davlat byudjeti va davlat maqsadli jamg’armalarining barcha daromadlarini, shuningdek, byudjet tashkilotlarining byudjetdan tashqari mablag’lar bo’yicha tushumlarini yagona g’azna hisobraqamga jamlash va ularning barcha xarajatlarini shu hisobraqamdan amalga oshirishni nazarda tutadi. Bu esa davlat byudjeti, byudjetdan tashqari jamg’armalar,byudjet tashkilotlarining byudjetdan tashqari mablag’lari, davlat qarzlari va ularga xizmat ko’rsatish jarayonlarining tezkor nazoratini va monitoringini olib borish, davlat mablag’larining samarali ishlatilishini ta’minlash, davlat moliyaviy resurslarining harakati to’g’risida operativ tarzda ma’lumotlarni jamlash imkonini beradi.Zero, O’zbekiston Respublikasi Prezidenti Shavkat Mirziyoyev rahbarligida boshlangan hamda hayotga tadbiq etilayotgan izchil islohotlar, amaliy sa’y-harakatlar yangi taraqqiyot marralarini egallash, zamonga mos tarzda rivojlanish, xalqimiz manfaatlarini ta’minlashga qaratilganligi bilan g’oyat ahamiyatlidir. Xususan, davlatimiz rahbari ta’kidlab o’tganlaridek, davlat moliyasini boshqarishda “...iqtisodiy islohotlar va ijtimoiy o’zgarishlarni muvaffaqiyatli amalga oshirish, eng avvalo, iqtisodiy va moliyaviy organlarning faoliyati samaradorligiga bog’liqdir”¹. O’zbekiston Respublikasida iqtisodiyotni strategik va innovatsion rivojlantirish sharoitida davlat moliyasi tizimida izchil hamda samarali iqtisodiyislohotlar amalga oshirilmoqda. Bu islohotlar, qator vazifalar bilan birgalikda, davlat moliyasini boshqarish samaradorligini oshirishni nazarda tutadi.
Bunda davlat moliyasini boshqarish shakllari va usullarini takomillashtirish, fan-texnika taraqqiyoti yutuqlari, elektron hisoblash mashinalari va boshqa texnik vositalar yordamida axborotni jamlash, qayta ishlash, uzatish qoidalari va usullarini o’zlashtirish asosida axborotlashtirishni yanada rivojlantirish talab etiladi.
Yuqorida ta’kidlanganlardan kelib chiqib aytishimiz mumkinki, davlat byudjeti g’azna ijrosini ta’minlashda g’aznachilikda yuridik va moliyaviy majburiyatlarning shakllanishi va to’lovlarni amalga oshirish tartibini yanada takomillashtirish bugungi kunda byudjet tizimida amalga oshirilayotgan islohotlarining asosiy yo’nalishlaridan biri hisoblanmoqda, chunki davlat moliyasini samarali boshqarish zaruriyati byudjet mablag’laridan to’g’ri foydalanish uchun byudjet xarajatlarining nazoratini kuchaytirish talab etiladi. Bu esa biz tomonimizdan tanlangan bitiruv malakaviy ishi mavzusining dolzarbligini anglatadi.

1.