Режа: Давлат ва жамиятнинг ҳуқуқий асосларини шакллантириш ва либераллаштириш

5-Мавзу: Ўзбекистонда демократик ва фуқаролик жамияти асосларининг шакллантирилиши ва амалга оширилган сиёсий ислоҳотлар


Режа:
1. Давлат ва жамиятнинг ҳуқуқий асосларини шакллантириш ва либераллаштириш.
2. Ўзбекистон Республикаси Олий Мажлиси. Миллий парламентаризм ривожи.
3. Оммавий ахборот воситаларининг ҳуқуқий асосларини яратилиши.
4. Суд тизимидаги ислоҳотлар.
5. Ўзбекистонда кўппартиявийлик тизими.

1. 
   Давлат ва жамиятнинг ҳуқуқий асосларини шакллантириш ва
   

либераллаштириш
Ўзбекистон мустақилликка эришгач, демократик, ҳуқуқий давлат ва фуқаролик жамияти асосларини барпо этиш йўлига ўтди. Мамлакатимизда инсоният томонидан ишлаб чиқилган, умумэътироф этилган қадриятлар асосида янги жамият қурилмоқда.
Ушбу мақсадларни амалга ошириш ўз ўрнида мавжуд давлатнинг сиёсий тизимини изчил шакллантиришни талаб қилади. Сиёсий тизим таркибига қуйидагилар киради: сиёсий муносабатлар, сиёсий ташкилотлар, сиёсий нормалар, сиёсий қарашлар, ғоялар, назариялар, сиёсий маданият. Сиёсий институтлар таркибига ўз навбатида давлат идоралари, сиёсий партиялар, касаба уюшмалари, кооперативлар, ёшлар, диний ва бошқа ташкилотлар ҳамда уюшмалар киради.
Замонавий дунёда "демократия", "демократик давлат" тушунчалари энг кўп ишлатиладиган атамалар қаторига киради."Демократия" сўзи юнон тилидан олинган бўлиб, “демослар” - одамлар, “кратос” - куч, яъни, халқнинг кучи ёки халқ ҳокимияти демакдир. "Демократик давлат" атамасини аниқ белгилашдаги қийинчилик демократик жамият қуриш каби ҳодисанинг кўп қиррали, кўп босқичли хусусияти билан изоҳланади.
Ўзбекистон мустақилликка эришгунга қадар унинг фуқаролари нафақат тараққий этган демократик жамият қонунларига мувофиқ яшаш, балки демократик тизимларнинг жаҳон тажрибаси билан танишиш имкониятига ҳам эга бўлолмадилар.
Ҳар қандай демократия мамлакатнинг миллий хусусиятларини ва халқнинг менталитетини ҳисобга олган ҳолда умуминсоний қадриятларга, халқаро қонунлар ва урф-одатларга асосланади. Ўзбекистонда демократик қурилиш ҳокимиятларнинг бўлиниши принципига асосланган янги давлатчиликнинг шаклланиши билан бошланди.
Ўзбекистон суверен давлат сифатида илк қадамлариданоқ дин билан муносабатини аниқ белгилаб олди, уни давлатдан ажратиб, дунёвий ривожланиш йўлини танлади. Мамлакатимиз бошқа динларга нисбатан бағрикенглик муносабатнинг намунасидир ва бу бизнинг демократия томон ҳаракатланишимизнинг яна бир тасдиғидир. Жамият ҳаётининг барча жабҳаларидаги ўзгаришлар мамлакатимизда ижтимоий йўналтирилган бозор иқтисодиётига асосланган фуқаролик жамияти ва демократик ҳуқуқий давлат барпо этилади, деган хулосага келишимизга имкон беради.