Reja: Birlamchi, ikkilamchi, uchlamchi va to‘rtlamchi uglerod atomlari

Reaksiyalarning molekulyarligiga ko‘ra sinflanishi
Reaksiyaning molekulyarligi deganda uning tezligini belgilovchi bosqichda kovalent bog‘lari o‘zgaradigan moddalar soni tushuniladi. Molekulyarligiga ko‘ra organik reaksiyalar mono-, bi-, tri- va polimolekulyar bo‘lishi mumkin.
Aytaylik, reaksiya natijasida A modda molekulasi X moddaga aylandi yoki (XY)ga parchalandi. Bunday reaksiyalar monomolekulyar deyiladi, chunki reaksiya tezligini belgilovchi bosqichda faqat A modda molekulasi ishtirok qiladi va reaksiyaning tezligi A moddaning konsentratsiyasiga bog‘liq:
VK A
A moddaning ikki molekulasi yoki A va B moddalar molekulalari qisqa muddatli to‘qnashuv natijasidagina bir-biri bilan reaksiyaga kirishsa (to‘qnashuvlar nazariyasi), bunday reaksiyalar bimolekulyar deyiladi va ularning tezligi ikkita moddaning konsentratsiyasiga bog‘liq bo‘ladi:
VK A² yoki VK AB
Trimolekulyar reaksiyalarning tezligi uchta (masalan, A, B va C) moddaning konsentratsiyasiga bog‘liq:
VK ABC
To‘qnashuvlar nazariyasiga ko‘ra ayni bir vaqtda A, B va C moddalar molekulalarining to‘qnashishi ehtimoli juda kichik. To‘rtta modda molekulalarining reaksiya jarayonida o‘zaro to‘qnashishi ehtimoli esa yana-da kam bo‘ladi. Shuning uchun trimolekulyar va ayniqsa polimolekulyar reaksiyalar juda kam uchraydi.
Reaksiyalarning faollashtirish turiga ko‘ra sinflanishi
Katalizatorsiz boradigan, masalan, (3) va (4) reaksiyalarga nokatalitik reaksiyalar deyiladi. Bu reaksiyalar faqat haroratni oshirish orqali tezlashtiriladi va shuning uchun termik reaksiyalar deb ham yuritiladi. Faollashtirishning bu usuli t^o yoki  bilan belgilanadi.
Nokatalitik reaksiyalarda kuchli qutblangan yoki zaryadlangan zarrachalar dastlabki reagentlar hisoblanadi.
Katalizatorlar ishtirokida boradigan reaksiyalarga katalitik reaksiyalar deyiladi. Ishlatiladigan katalizatorning tabiatiga ko‘ra bu reaksiyalar kislotali masalan (7) va (10) reaksiyalar kataliz (kislotalar katalizatorligida boradi) va asosli kataliz (asoslar katalizatorligida boradi) ga bo‘linadi.
Nurlantirish bilan faollashtiriladigan reaksiyalarga fotokimyoviy reaksiyalar deyiladi. Faollashtirishning bu turi hv bilan belgilanadi. Masalan, (2) reaksiya, shuningdek, etilenning dimerlanishi fotokimyoviy reaksiyalardir.
CH₂  CH₂  CH₂CH₂ (11)
etilen etilen siklobutan
(11) reaksiya qorong‘ida, hatto qizdirganda ham bormaydi