Reja: 2 soat Karbyuratorli dvigatel ta’minlash tizimining vazifasi, sxemasi, umumiy tuzilishi, ishlashi

16-rasm. Avtomobilning yonilg’i baki: 1-quyish bo‘g‘zi qopqog‘i bilan; 2-ajratish (uzib qo'yish) jo‘mragi; 3-to‘rli filtr; 4-to‘kish teshigi tiqini; 5-suriladigan patrubka; 6-pardevorlar; 7-yonilg’i naychasi; 8-filtr-tindirgich.

Bakning pastki qismida yonilg‘i va quyqumni to'kishga mo’ljallangan to‘kish teshigi tiqini mavjud. Boshqa avtomobillar ham yonilg’i baklariga o‘xshash konstruksiyaga ega, lekin ularning shakli joylashtirilgan o‘rni bilan aniqlanadi.

Yonilg’ini tozalash asboblari yonilg’i tarkibida bo’lishi mumkin bo’lgan har xil mexanik aralashmalar (chang, zang, tola) va suvni ushlab qolishga mo’ljallangan. Bu asboblarga yonilg’ini karbyuratorga uzatish tarmogiga o‘rnatiladigan har xil filtrlar va tindirgichlar kiradi.
Avtomobillaming har xil ekspluatatsion sharoitlarda muttasil ishlashi ko‘p jihatdan yonilg’ini tozalash darajasiga bog’liq. Zamonaviy avtomobillarda yonilg’ini takror-takror tozalash ko‘zda tutilgan (filtrlash va tindirish):
— Qo‘yish bo ‘g‘zining to ‘rli filtrida bakni yonilg’i bilan toidirishda filtrlanadi;
— Yonilg’i bakining tubida tindiriladi;
— So‘rish trubkalarining to‘rli filtrlarida;
— Tarmoq filtr-tindirgichida;
— Yonilg’i nasosining to ‘rli filtrlarida (ba’zi bir turdagi nasoslarda);
— Mayin tozalash yonilg’i filtrida;
— Karbyuratorning to‘rli filtrida.
Yuk avtomobillarining tarmoq filtr-tindirgichini (17-rasm) qopqoq (2) bilan yopilgan stakanida (1) filtrlovchi element (6) joylashgan. Uning pastki qismidagi tayanch shayba (7) prujina (8) yordamida qopqoqqa (2) jipslashib turadi. Stakan (1) qopqoq (2) bilan tortuvchi bolt (3) orqali ulangan. Quyqumni to‘kish uchun filtrtindirgich korpusida tiqin (9) o‘rnatilgan.
Tindirgichni filtrlovchi elementi (6) ikkita sterjenlarga (11) jamlangan ko‘p sonli, qalinligi 0,14 mm bo’lgan aluminiy yoki latun plastinalaridan (12) tashkil topgan. Plastinalarda (12) balandligi 0,05 mm chiqiq (A), yonilg’i o’tkazuvchi teshiklar (B) va sterjenlar uchun ikkita teshik (V) bor. Yonilg’i bakdan qopqoqdagi teshik orqali stakanga oqib tushadi. Suv va mexanik aralashmalarning yirik zarrachalari stakan tubida tindiriladi.
Chiqiqlar (A) tufayli filtrlovchi plastinalar (12) orasida 0,05 mm bo’lgan tirqishlar paydo bo’lganligi sababli teshiklar (B) orqali faqat yonilg’i o‘tadi, 0,05 mm dan yirik zarrachalar filtrlovchi element yuzasida ushlab qolinadi.