Reja: 2 soat Karbyuratorli dvigatel ta’minlash tizimining vazifasi, sxemasi, umumiy tuzilishi, ishlashi

17-rasm. Yonilg‘ining tarmoq filtr-tindirgichi: 1-stakan; 2-qopqoq; 3-bolt; 4,5,10 va 14-qistirmalar; 6-filtrlovchi element; 7-tayanch shayba; 8-prujina; 9-tiqin; 11-sterjen; 12-plastina; 13-Jiltrlovchi element korpusi; A-chiqiq (bo'rtiq); В va V- teshiklar.

Avtomobillaming so‘nggi rusumlarida, ayniqsa, V simon dvigatellarda mayin tozalash yonilg‘i filtrlari o‘rnatilmoqda (18-rasm).

Asosan ikki turdagi filtrlar qo’llanilmoqda: to‘rli filtrlovchi elementli va keramik filtrlovchi elementli. Ikkala turdagi filtming ishlashi bir-biriga o‘xshash. Yonilg’i filtrga qopqoqdagi (3) teshik orqali kirib, stakan-tindirgichga (1) o‘tadi. Bu birinchi bosqichda suv tindiriladi va mexanik aralashmalarning yirik qismlari cho‘kadi. Agarda magnit bo‘lsa, temir zarrachalar tortiladi.
Ikkinchi bosqichda yonilg’i filtrlanadi. Yonilg’i filtrlovchi elementdan (4) (g‘ovak keramika yoki o‘rilgan latun to‘r) o‘tib, qopqoqdagi teshik orqali ta’minlash tizimiga o‘tadi.



18-rasm. Mayin tozalash yonilg‘i filtrlari keramika (a) va to‘rli (b) filtrlovchi elementli: 1-stakan-tindirgich; 2-qistirma; 3-qopqoq; 4-filtrlovchi element; 5-prujina; 6-stakan qisqichi.


Havoni tozalash asboblari havo oqimidagi chang zarrachalarini tutib qolish uchun xizmat qiladi. Shu maqsadda so’rish patrubkasiga havo filtri o‘rnatiladi. Yengil avtomobillarda havo filtri bilan birga havo shovqinining so‘ndirgichi ham qo’llaniladi.
Inersion-moyli va quruq filtrlovchi elementli havo filtrlari keng tarqalgan.VM-16 havo filtri havoni ikki bosqichda tozalovchi inersion-moyli turidir (19-rasm).
Havo filtri to‘rtta asosiy qismlardan iborat: kaprondan qilingan filtrlovchi element (6), moy vannasi (2), karbyuratorga o‘rnatish patrubkasi (1) va havo olish o‘tkazgichi (11). Asosiy qismlarni birlashtiruvchi joylarni zichlash maqsadida qistirmalar (4,5 va 10) o'rnatilgan. Filtrning qopqog’ida kompressorga havo o‘tkazish patrubkasi (12) bor. Karbyuratorga o’rnatish potrubkasi(1) uchta vintlar yordamida filtrni karbyuratorga mahkamlaydi.