Registr – bu juda katta tezlikda ishlovchi xotira vazifasini bajaradigan protsessorga yaqin joylashgan qurilma. Assemblerda buyruqlar dasturning text bo’limida yoziladi. Har bir buyruq alohida qatorda yoziladi

cmp chap_manba, o’ng_manba

Taqqoslash uchun ushbu buyruq chap_manba dan o’ng_manba ni ayiradi va agar natija musbat bo’lsa, chap_manba ni katta deb topadi va aksincha. Lekin CMP ning ayirish burug’idan farqi shundaki, u ayirmani biror yerda saqlamaydi, ya’ni maqsad talab qilinmaydi. Taqqoslash bajarilgandan so’ng CMP natijasi turli xil bayroqlar o’rnatilgan yoki o’rnatilmaganligiga qarab aniqlanadi.

Tarmoqlash buyruqlari orqali dasturning xohlagan qatoriga o’tish mumkin. Ikki xil, ya’ni shartli va shartsiz o’tishlar mavjud. Shartsiz o’tishda hech qanday bayroq qiymati tekshirilmaydi va so’zsiz o’tishlar mavjud. Shartli o’tishda esa ma’lum bayroqlar o’rnatilgan bo’lsa, shundagina o’tish yuz beradi. Aks holda hech qanday o’tish bo’lmaydi va tarmoqlash buyrug’idan so’ng keladigan navbatdagi buyruq bajariladi. Shartsiz o’tish JMP (JUMP - Sakrash) buyrug’i orqali amalga oshiriladi:

jmp [aniqlovchi] o’tish_manzili

Bu yeda aniqlovchi ning burchakli qavs ichiga olinishiga qarab uni dasturchi berishi ham, bermasligi ham mumkin. O’tish manzili esa JMP buyrug’iga dasturning qaysi qatoriga o’tib o’sha yerdan buyruqlarni bajarishni boshlashni ko’rsatadi. Assemblerda nishonlar e’lon qilinganda, ulardan keyin ikki nuqta (:) qo’yish mukin.

LOOP buyrug’i

Ushbu buyruq tarmoqlash buyrug’i bo’lib, takrorlanishlarni oson amalga oshirish uchun yaratilgan. LOOP buyrug’i ECX qiymati nolga teng bo’lmaguncha takrorlanishni davom ettiradi. Har safar qaytalaganda ECX ni bittaga kamaytiradi.