Referat yozish uslubiyati, mavzularni tanlash, referatning strukturasi, uni rasmiylashtirish bo’yicha tavsiyalar va ko’rsatmalar

Mustaqil ishning tuzilishi:

Titul varag‘i.

Reja

Kirish.

Asosiy qism.

Xulosa.

Foydalanilgan adabiyotlar ro`yxati.

Ilovalar (zarur hollarda)dan iborat bo`ladi.
-bu tavsiya etilayotgan mavzulardan birini yozma aks ettirishdir.
U talaba tomonidan tavsiya etilgan maxsus o`quv va ilmiy adabiyotlardan foydalangan holda mustaqil bajarilishi kerak va talaba tomonidan fikrlashning mustaqilligini,ma’lumotni tizimlashtirish va umumlashtirilishini, tegishli hulosalar chiqarishini ko`rsatishi kerak. Talaba rejadagi savollarni har tomonlama ochib berishi, ko`rib chiqilayotgan muammo bo`yicha chuqur bilimlarini ko`rsatib berishi kerak.
Dastavval mavzu bo`yicha o`quv va ilmiy adabiyotlarni diqqat bilan o`rganish va shundan keyingina mavzuni yoritib beruvchi savollarni yozma ravishda aks ettirishi lozim.
Mustaqil ishning hajmi
1– A4 formatda,
2-- 10-15 varaqda yozilgan bo`lishi kerak . Betlar raqamlangan bo`lishi shart. Mustaqil ish har tomonlama ham grammatik jihatdan, ham ilmiy savodxonlik jihatidan yozilgan bo`lishi kerak.
Ish rejasini bir necha bo`lim (kism,bob)dan iborat holda tuzish mumkin.
Mustaqil ishning rejasida tadqiqotning tuzilishi aks ettiriladi.
Mustaqil ish rejasida kirish,asosiy qism, ya’ni barcha bo`limlar, kichik bo`limlar va bandlar nomi (agar bandlar ish matni bo`yicha nomlangan bo`lsa), xulosa beriladi.
Bundan tashqari,mustaqil ish rejasida foydalanilgan adabiyotlar ro`yxati, mavjud ilovalarham ko`rsatilib tegishli materialning boshlangan va tugallangan sahifalari raqami aks ettirilishi shart. Mustaqil ish mundarijasi keltirilgan ilovaga muvofiq tuzilishi lozim.
Talaba mustaqil ishni yozish jarayonida tuzilgan mustaqil ish rejasiga o`zgartirish va qo`shimchalar kiritish mumkin.
Mustaqil ish rejasining aniq va to`g‘ri tuzilishi, umuman uning mavjudligi zarur bo`lgan hamda mavzuga taalluqli materiallarni muayyan ketma-ketlikda yoritilishiga, qaytarishlarni va bo`shliqlarni oldini olishga, o`quv rejasidagi mustaqil faoliyatni ilmiy tarzda tartibga solishga, shuningdek talabaning vaqtini tejashga bevosita yordam beradi.
Tuzilgan mustaqil ish rejasining har bitta savoli tanlangan mavzuning alohida bir qismini yoritishi lozim.
Bu holatda savollar ketma-ketligi va ularningumumiy bog‘liqligini saqlash maqsadga muvofiq.
Esda tutish lozimki, jiddiy e’tibor bermasdan tuzilgan mustaqil ish rejasi talab doirasidagi ketma-ketlikni buzilishiga,takrorlanishga hamda mavzuni sifatsiz yoritilishiga olib kelishi mumkin.
Kirish
Mustaqil ishning kirish qismi ishning o`qilishi davomida shakllanadigan tushunchani engillashtirishi lozim. SHuning uchun bu erda o`rganilayotgan mavzu doirasidagi mustaqil ishning ob’ekti va predmeti aniq va lo`nda qilib yoritib berilishi, mazkur mustaqilishning ahamiyati va dolzarbligi asoslanishi lozim.
Mustaqil ishning kirishida o`rganilayotgan muammoning hozirgi holatiga baho berilishi,mavzuni o`rganish uchun asoslar va boshlang‘ich ma’lumotlar keltirilishi lozim.
SHuningdek, kirish qismda tadqiqot mavzusining ahamiyati va chegarasi aniqlanishi,uning maqsadi belgilanishi lozim.
Bundan tashqari, mustaqil ishning kirish qismida o`rganilayotgan mavzuning mamlakatimizda amalga oshirilayotgan tub islohotlar bilan bog‘langanligi, ya’ni bunday islohotlarning o`rganilayotgan mavzu bilan aloqadorligi kabi masalalar hamda ularning ijobiy jihatlari, agar muammolar mavjud bo`lsa, ular haqida kirish so`zi tusidagi ma’lumotlar aks ettirilishi maqsadga muvofiq.