Referat ustida ishlash tartiblari

Zaruriy materiallarni konspektlash. Tayyorlov bosqichidagi izlanishlar natijasida to'plangan ma'lumotlarning asosiy qismi va mazmuni qisqacha shaklda konspektlashtirib olingach, ulardan referat uchun qulay foydalanish imkoni paydo bo'ladi. Konspektlar bir-necha xil: rejali, matnli, tematik, xronologik, tahliliy, yoki erkin bo'lishi mumkin. Konspektning aynan qaysi tiridan foydalanish esa referat mazmuni va turidan kelib chiqqan holda tanlanadi.

Tadqiqot muammosi mantiqini yaratish. Referat rejasini tuzish. Referat rejasi murakkab reja ko'rinishida bo'lib, o'z tarkibiga kirish, asosiy qism, xulosa va foydalanilgan adabiyotlar ro'yxatini oliadi. Kirish qismida referant aynan qaysi mavzuni yoritmoqchi ekanligiga oydinlik kiritadi. Asosiy qismda esa referat uchun to'plangan muayyan mavzuga oid barcha ma'lumotlar o'rin oladi va by referatning salmoqli qismini tashkil etadi. Xulosada referant asosiy qismdagi aytib o'tilgan fikrlarni qisqacha takrorlab, ulardan kelib chiqadigan hamda mavzuning asosiy mazmunini beruvchi umumiy fikrni keltirishi kerak bo'ladi. Referant asosiy qismga kiritgan mavzuga oid har bir yangi bo'lim va unga tegishli ma'lumotlar uchun alohida reja tuzishi kerak bo'ladi.