Referat teksti, onıǹ dúzilisi hám ózgeshelikleri Jobası: Referat teksti, onıǹ dúzilisi

3.Referat hám kurs jumısınıǹ tiykarǵı ózgeshelikleri

Referat- bul tema boyınsha monografiyalar, jurnallar hám maqalalardaǵı maǵlıwmatlardı logikalıq jaqtan úyreniw hám talqılaw arqalı jazılatuǵın ilimiy tekst.

Kurs jumısı - bul ilimiy jumıs túri bolıp, kópshilik jaǵdaylarda onı jazǵanda qánigelik penen baylanıslı dáreklerden paydalanamız, sonıǹ menen birge avtorlıq pikirler hám juwmaqlar qosıladı.

Studentlerdiǹ kurs jumısın jazıwdan maqseti oqıw ornında jıl dawamında alǵan bilim hám kónlikpelerdi bekkemlew, iyelegen bilimler tiykarında jańa bilimlerdi anıqlay alıwǵa úyretiw. Yaǵnıy teoriyalıq bilimler tiykarında ilimiy bilimler qáliplesiwine kónlikpelerdi qáliplestiriw bolıp tabıladı.

Jumıs túri	Bet kóle mi	Baǵdarı	Bólimler	Qosımsha bar ekenligi
Referat	15 - 20	Tek materialdı siste malastiriw	Tiykarǵı bó lek	Joq
Kurs jumısı	30 - 45	Materiallardı sistemalastırıw + juwmaqlar hám pikirler	Teoriya hám ámeliyat	Bar

Referat jaratıw student ushın qızıǵıwshılıq payda etken maǵlıwmatlardı logikalıq túrde úyreniw múmkinshiligin ańlatadı.

Kurs jumısınıǹ ózgesheligi bul studenttiǹ izertlew qábiletiń kórsetiw bolıp tabıladı. Álbette, studentten hesh kim jańa ashılıwlardı kútpeydi, biraq student ele de maǵlıwmatlardı analiz etiw qábiletin kórsetip beriw kerek.

Referat hám kurs jumısın jazǵan waqıtta bir zárúrli fakttı esten shıǵarmaw kerek: ilimiy jumıslar mudamı ámelde bolǵan maǵlıwmatlardı sistemalastıradı, sonday-aq kurs jumısı tek ǵana mashqalanı anıqlawǵa emes, bálki onı sheshiwge háreket etedi.

Kurs jumısın jazdırıwdan maqset taǹlaǵan kásibi boyınsha bilim alıwdıń belgili bir basqıshta barlıq pánlerden alǵan bilimlerin bekkemlew, óz-ara baylanıstırıp, olardı ulıwmalastırıw bolıp tabıladı. Kurs jumısın jazıw da, referat jazıw sıyaqlı temanı tańlawdan baslanadı. Kurs jumısı bir neshe jıl dawamında hár qıylı pánlerden iyelegen teoriyalıq bilimlerin hám ámeliyatta qáliplestirgen kónlikpelerin bir baǵıtqa birlestiriw jolı menen tema saylanadı.

Kurs jumısın jazǵanda izertlew jumısında zárúr bolǵan bir neshe wazıypanı atqaradı. Yaǵnıy dáslep kurs dawamında qánigeligi boyınsha ótilgen arnawlı pánlerden alǵan bilimlerin ámeliyatta kompleksli qóllanıwǵa úyrenedi. Kurs jumısın jazıw barısında student hár qıylı ádebiyatlar menen tanısadı hám olardı analizleydi. Sol sebepli onıń ádebiyatlar menen islew kónlikpesi ilimiy tájiriybege baǵdarlaydı. Soǹında kurs jumısın jazǵan student óz pikirin basqalarǵa jazba til arqalı jetkere alıw kónlikpesin iyeleydi.

4.Ózleriǹizdi qızıqtırǵan temalarda referat jazıwdı úyreniǹ.

5.Qánigeligiǹiz baǵdarında kurs jumısına tema taǹlaǹ hám tiyisli ádebiyatlar menen tanısıp shıǵıǹ.