Рецептура

Vaselini ad 20,0
M.f. unguentum
D.S. Терининг шикастланган жойига суртиш учун
Истисно: Агарда суртма таркибига битта доривор модда кирган бўлиб суртма асоси сифатида вазелин ишлатилган бўлса, у ҳолда рецепт фақат фо- изли шаклда ёзилади.
Rp.: Unguenti Hydrocortisoni 2,5% – 20,0
D.S. Терининг шикастланган жойига суртиш учун
Официнал суртмалар фақат қисқартирилган шаклда ёзилади.
Мисол. 40 грамм официнал рухли суртмага рецепт ёзилсин.
Rp.: Unguenti Zinci 40,0
D.S. Терининг жароҳатланган қисмига суртиш учун
Махсус, коммерцион номга эга бўлган мураккаб таркибли суртмаларга ҳам официнал суртмалар сингари рецепт ёзилади.
Мисол: 20 грамм «Эфкамон» суртмасига рецепт ёзилсин. Миальгияда терига суртиш учун.
Rp.: Unguenti «Efcamonum» 20,0
D.S. Терининг зарарланган жойига суртиш учун
Паста – Pasta (қаратқич келишик бирлик сонда – pastae, қисқартирил- гани – past.) – қуюқ суртма ҳисобланиб, таркибида камида 25 фоиз (кўпи би- лан 60-65 фоизгача) сочмасимон моддалар (тальк, крахмал, рух оксиди) бўлади. Улар консистенциясига кўра хамирга яқин бўлади (номи ҳам шундан келиб чиққан – pasta – хамир дегани). Пасталар тана ҳароратида тезда юм- шаб кетадилар. Улар адсобрция қилувчи, қуритувчи ва яллиғланишга қарши хоссаларга эга. Пасталарга рецепт фақат кенгайтирилган шаклда ёзилади.
Мисол: Таркибида 5 % анестезин ва 25 % рух оксиди сақлаган 50 грамм пастага рецепт ёзилсин.
Ҳисоблаш.
1) анестезин
100 г – 5 г
50 г – х
2) рух оксиди
100г – 25 г
50 г – х
Rp.: Anaesthesini 2,5
Zinci oxydi 12,5
Vaselini ad 50,0
M.f. pasta
D.S. Терининг зарарланган қисмига суртиш учун
Официнал пасталар қисқартирилган ҳолда ёзилади.
Мисол: 40 грамм официнал рухли пастага рецепт ёзилсин.