Raymond Murphy Red (qizil) unit 1-50

UNIT 18. For, since, ago 
Present perfectda vaqtni ifodalash. 
Biror hodisa yoki holat qachondan beri, qancha vaqt avval yohud qaysi voqeadan oldin sodir 
bo'lganini ifodalash uchun for/since/ago so'zlaridan biri ishlatiladi. 
O'tgan zamondan to hozirgacha bo'lgan vaqt oralig'ida ma'lum vaqt o'lchovi bilan belgilangan 
hodisani ifodalash uchun "for" qo'yiladi. 4 yildan beri, 2 kundan beri, 6 soatdan beri, 3 haftadan 
beri, 1 oydan beri, 10 daqiqadan beri kabilar shular jumlasidandir. Masalan: 
Bobur has been in London for six days - Bobur olti kundan beri Londonda. Present perfect 
qoidasiga ko'ra "I have" formulasidan foydalanamiz. "I" o'rnida Bobur, have esa 3-shaxsda 
"has"ga aylanadi. Keyin "To be" fe'lining 3-formati "been" qo'yilyapdi. Keyin qayerdaligi 
yozilib, qachondan beriligi oxirida yozilyapdi. 
Aniq bir vaqt ma'lum qilinib, o'shandan hozirga qadar, degan ma'no ifodalansa "for" o'rniga 
"since" qo'yiladi. Dushanbadan beri, apreldan beri, 9-oktabrdan beri, 2010-yildan beri, soat 12:00 
dan beri kabilar shular jumlasidan. Ya'ni, boshlangan vaqti ma'lum qilingan, lekin hozirgacha 
qancha vaqt o'tgani ma'lum qilinmagan holatda "since" ishlatiladi: 
Alisher has been in Canada since January - Alisher yanvardan beri Kanadada. 
Hodisa hozirgi vaqtdan qancha oldin sodir bo'lgani ma'lum qilinayotganda "ago" (oldin) so'zi 
ishlatiladi. 1 yil oldin, 3 oy oldin, 5 minut oldin va hokazo: 
He arrived in London 4 days ago - U Londonga 4 kun oldin keldi.