Raximboyev akmal azatboyevich turizm sohasida malakali kadrlar tayyorlash jarayonlarini takomillashtirish yo

2.2. Turizm sohasida kadrlar tayyorlashning bugungi ahvoli 
Mamlakatimizda sayohatlarni mazmunli o‘tkazish uchun barcha sharoit va 
omillar mavjud, ya’ni mehmonxona va restoranlar faoliyati zamonaviy asosda 
tashkil etilgan, transport tizimi yaxshi rivojlangan, eng muhimi, yurtimizda 
tinchlik-osoyishtalik qaror topgan.
Shu boisdan ham, mamlakatimizga kelayotgan turistlar safi yildan-yilga 
kengayib bormoqda. Ularga sifatli xizmat ko‘rsatish, yurtimiz haqidagi 
tasavvurlarini boyitish soha xodimlaridan yuksak bilim va malaka talab etadi.
Respublikamiz Birinchi Prezidenti I.A.Karimovning 1999 yil 30 iyunda qabul 
qilingan “O‘zbekistonda turizm sohasi uchun malakali kadrlar tayyorlash 
to‘g‘risida”gi Farmoni, O‘zbekiston Respublikasi Vazirlar Mahkamasining 2012 
yil 10 oktyabrdagi “O‘zbekiston Respublikasida turizm sohasini yanada qo‘llab-
quvvatlash va rivojlantirish chora-tadbirlari to‘g‘risida”gi qaroriga muvofiq ushbu 
sohada malakali kadrlar tayyorlashga alohida e’tibor qaratilmoqda.
Xususan, O‘zbekiston mustaqillikka erishgach, bozor iqtisodiyotiga 
asoslangan jamiyat qurishni o‘zining asosiy maqsadi qilib belgilab oldi. Bu ishda 
turizm sohasining o‘zi yetakchi tarmoqlardan biri hisoblanadi. Avvalo, turizm 
sohasi nafaqat o‘tmishni o‘rganish, o‘zga xalqlar va elatlar bilan tanishish, ularning 
madaniy yodgorliklaridan bahramand bo‘lish, shuningdek, u katta biznes 
hisoblanadi. Hamda kadrlarni tayyorlash jarayoni ham bevosita ushbu faoliyat 
doirasida amalga oshiriladi.
Mazkur faoliyatni yo‘lga qo‘yish esa mutaxassislarga bog‘liq. Ushbu 
mutaxassislar 
kadrlar 
hisoblanadi. Buning 
uchun 
malakali 
kadrlarni 

---

47
tayyorlash hozirgi kundagi eng muhim vazifalardan biri hisoblanadi. Bu borada 
respublikamizdagi Samarqand iqtisodiyot va servis instituti, Toshkent Davlat 
iqtisodiyot universiteti, Singapur menejment univrsiteti, Buxoro, Urganch va 
Nukus Davlat universitetlari va turizm sohasidagi kasb-hunar kollejlari bu ishga 
o‘z hissalarini qo‘shib kelmoqdalar.
Shularning natijasida turizm sohasida kadrlarni tayyorlovchi oliy va o‘rta 
maxsus o‘quv yurtlarining soni ham kundan kunga ko‘payib bormoqda.