Рашод Нури гунтекин оэод обид таржимаси

Ш а р и ф — (Қичҳиради.) Ҳозир сенинг ўзингни ҳайдаб соламан. Узи сен камлик қилиб турган эдинг... Ойижон, йўқотинг бу бефаросатни...
(Руқия ва Шариф Халилни туртиб-суртиб чиқаришади. Халилнинг хона ичи- дан “Ё оллоҳ, хотиндан ажралиш мунча қийин бўлмаса!” деган ноласи эшити- лади.)
Ш а р и ф — ... Афв этгайсиз, хоним афанди. Хуллас, бу одамнинг қай фазилатлари сизга маъқул бўлиб қодци?
Мал ак — Айтдим-ку... меҳрибонлиги, ҳалоллиги.
Ш а р и ф —• Нечук? Бу одам ўғри-ку, ахир. Ҳа, ҳа... У энг оддий мутта- ҳам, ўғри. Мана, сени ўғирлаб олаяпти.
М а л а к — У мени ўғирлагани йўқ, мени унга ўзларинг бердинглар. Агар мендан мамнун бўлганларингда, нима учун мени талоқ хатини олишга мажбур қилдинглар? Агар мендан норози бўлган бўлсаларинг, энди яна нега ўзларингга қайтармоқчисизлар? Эрим сизларнинг гапингизга кирмай қўя қолганида, ҳеч вақо бўлмас эди. Ахир, ҳе йўқ, бе йўқ, бекордан бекорга сизлар мени эримдан ажратиб бегона одамга бериб қўя олмас эдинглар-ку!
Ш а р и ф — Ҳа, аллақандай зоти паст бир дайдига ишониб, биз хато қилдик...
М а л а к — Худога минг қатла шукрки, у айни мен кутган одам бўлйб чиқци. Умримда биринчи марга сизлар менга яхшилик қилдинглар.
Ш а р и ф — Демак, сиз бошқа эркакларни кутиб яшаган экансиз-да! Биз сизни ҳалол, покиза аёл деб юрардик-а!
М а л а к — Ҳалоллик тўғрисида гапиришни ким қўйибди сизга? Қилғи- ликларингизни кўпдан бери ҳамма билади...
Ш а р и ф — Вой, ношукр-ей! Сени қўлма-қўл бўлиб кетмасин деб, яна оиламиз бағрига дейгариб олмоқчийдик. Ҳали бу ишингга кўп пушаймон ейсан, лекин фурсат ўгган бўлади. Бўлмаса, биз учун бошкд қиз қуриб кетганмвди?
М а л а к — Менинг пулларимнинг иси қўймагандир-да...
Ш а р и ф — Қанақа пуллар? Нима бало, туш кўряпсанми?
М а л а к — Ҳа, кечаси туш кўрдим. Бизга телеграмма келган эмиш. Кўнёдаги амаким қазо қилиб, менга ўн минг лира пул билан ерларини қолдирган эмиш. Шунинг учун сизлар мени яна қайтадан Халилга олиб бер- моқчи бўляпсизлар...
Р у қ и я — Вой, ношукр банда-ей... Агар одам бўлганингда, қўлингга жиндай пул тушиши биланоқ бу уйдагиларнинг ҳаммасини така-така қилиб тирқиратиб юборар экансан-да! Неча йилдан бери бизнинг тузимизни еб, тузлуққа тупуряпсанми?