Ращим щасанов

Русалка-рус рангтасвирида учрайдиган боши аёл, танаси балиқ тасвири. Сув париси деб ҳам юритилади.


С
Сабза-ранг номи, эрта баҳорда янги ўсиб чиққан ўт-ўланлар ранги.
Салон–тасвирий ва амалий санъатга доир материаллар, иш қуроллари, санъат асарлари сотиладиган дўкон.
Санъатшунос–санъат тарихи, назарияси ва унинг тараққиёти бўйича тадқиқот олиб борувчи мутахассис.
Санъатшунослик–санъат тарихи, унинг муаммолари билан шуғулланувчи фан.
Сомоний–ранг номи, сомон ранги, тилласимон ранг.
Сангина–лотин тилидан олинган бўлиб, қонга ўхшаш маънони англатади. Улар қалам шаклида, ёғочсиз темир оксидли тупроқсимон моддалардан тайёрланади. Уларни қоғозга ёпишқоқлик хусусиятлари кучли бўлади. Расомлар улардан хомаки расм ишлаш жараёнларида кенг фойдаланадилар.
Саноат графикаси-саноатда қўлланиладиган реклама, ёрлиқ, эмблема, бланка, конверт, товар белгилари, этикетка, упаковка ва бошқаларни ифодалайдиган графика тури.
Сариқ-ранг номи, момақаймоқ (қоқи ўт) рангининг номи.
Садаф-ранг номи, оч сарғиш ранг.
Сепия-жигар ранг бўёқ билан ишланган расм, тасвир.
Силуэт–бир ранда, ҳажмсиз қилиб ишланган расм. Уни шарпа тасвир деса ҳам бўлади.
Сийбоб-ранг номи, симоб ранги.
Симметрия-юнон тилидан олинган бўлиб, ўлчовдош деган манони англатади. Тасвирий санъатда сувратдаги детални ёки нарсани ўртасидан вертикал ўқ чизиқ ўтказилганда унинг чап ва ўнг томонларини бир-бирига тенглиги кузатилса у симметрик шакл ҳисобланади. Ёки сувратнинг чап ва ўнг ёки юқори ва пастки қисмларидаги ўзаро тенглик ёки ўхшашлик ҳам симметрияни билдиради. Масалан, капалак, симметрик шаклга эга. Симметрияни ўқли ва марказий турлари бўлади. Ўқли симметрияда симметрия ўқи битта бўлса, марказий симметрияда у бир неча бўлиши мумкин.
Символизм-Юнон тилидан олинган бўлиб, рамзий, тимсол маъносини англатади ва у ХIХ аср охири ва ХХ аср бошларида Францияда пайдо бўлган бадиий йўналиш. Мазкур йўналишдаги ижодкорларнинг бадиий ижоди асосини сувратда яширинган образ-символлар ташкил этади. Символизм йўналишдаги рассомлар кўпроқ ғайри-табиий кайфият билан суғорилган ярим афсонавий композициялар яратишган. Уларнинг ижодида алоҳида бадиий-тасвирий тилни излаш кўзга ташланади. Буни улар чизиқлар ритми, ранглар уйғунлиги ёрдамида амалга оширганлар ва мураккаб символик мазмунни яратишга эришганлар.