Ращим щасанов

Кулранг-ранг номи, ёқилган ўтиндан қолган кулнинг рангига яқин бўлган ранг номи.
Кубизм-куб сўзидан олинган бўлиб, ХХ асрнинг биринчи чорагида Францияда пайдо бўлган. Бу йўналишдаги рассомлар реалистик санъат анъаналарини инкор этган ҳолда ўз асарларида ҳар қандай мавжудот ва нарсалар-куб, шар, цилиндир, конус пирамидалар ва уларнинг ўзаро қўшилмасидан ҳосил бўлган шакллар ёрдамида тасвирлайдилар.
Кумушранг-ранг номи, кумиш рангига яқин бўлган ранг.
Кесишув нуқта-маълумки, бир хил ўлчовдаги преметлар киши кўзидан узоқлашган сари кичрайиб кўринади. Бора-бора улар нуқтага айланиб қолгандек туюладилар. Бу ходиса уфқ чизиғига борганида рўй беради. Ёки узоқларга қараб йўналган икки паралел чизиқ борган сари бир-бирларига яқинлашиб чизиқлар оралиғи камайиб бораётгандек туюлади. Охир оқибатда бу икки чизиқ бир-бирлари билан кесишгандек туюлади ва у уфқ чизиғи устида рўй беради. Уни кесишув нуқтаси дейилади. Масалан, темир йўл, трамвай изини кузатиш орқали бунга ишонч ҳосил қилиш мумкин. Бунинг учун темир йўл ёки трамвай изларининг ўртасида туриб темир изларини узоқлашуви кузатилади. Маълум бўладики темир излар борган сари бир-бирларига яқинлашиб бораверадилар ва охирида бу икки паралел излар уфқ чизиғига борганда унинг устида кесишиб бир нуқтага айланиб қоладилар.
Классицизм-лотин тилидан олинган бўлиб, намунавий деган маънони англатади ва у ХУIII-охири ХIХ аср бошларида Францияда шаклланган. У қадимги Юнонистон ва Рим санъати анъаналарига асосланган ва унга тахлид қилиб юзага келган санъат ва адабиётдаги йўналиш. Бу оқим тарафдорлари Антик даврнинг афсона ва ривоятлари, товрот воқеалаига мурожаат қилиб улардан олинган мазмун орқали ўз замондошларининг ахлоқий ва сиёсий муаммоларини санъат ва адабиёт воситасида кўтаришга ҳаракат қилганлар.
Уларнинг асарларида мазмунни мантиқий ривожланиб бориши, композицияда мувозаат, аниқ тасвилаш, хажмни аниқ андоза асосида ифодалаш, чизиқларни умумлашган ҳолда ровон бўлиши талаб этиларди. Ранглар эса асар ғоясини ифодалашда ёрдамчи вазифани бажариши лозим деб ҳисобланган.