Рашидов октам юнусович, тоймуҳамедов иброхим рихсибоевич, алимов ильхомжон икромович, тожиев рахматулло рахмонович “пул, кредит ва банклар”

8.4. Валюта сиѐсати 
Валюта сиѐсатининг йўналишлари ва шакллари мамлакатларнинг 
валюта-иқтисодий ҳолати, жаҳон хўжалигининг эволюцияси, жаҳон 
аренасидаги кучлар жойлашиши билан белгиланади. Турли тарихий 
босқичларда биринчи қаторга валюта сиѐсатининг аниқ вазифалари 
чиқади: валюта инқирозини бартараф этиш ва валюта барқарорлигини 
таъминлаш; валюта чекловлари, валютани эркин айирбошланишига ўтиш, 
валюта операцияларини эркинлаштириш ҳамда шу кабилар. Валюта 
сиѐсати мамлакатлар ўзаро алоқалари тамойилларини акс эттиради: 
нисбатан кучсиз (биринчи навбатда ривожланиб бораѐтган) ҳамкорлар 
камситилишини келтириб чиқарувчи ҳамкорлик ва келишмовчиликлар, 
бошқа давлатларнинг ички ишларига аралашув. 
Валюта сиѐсати мақсад ва шаклларига кўра таркибий ҳамда жорий 
сиѐсатларга бўлинади. Таркибий валюта сиѐсати - бу, жаҳон валюта 
тизимида таркибий ўзгаришларни амалга оширишга йўналтирилган узоқ 
муддатли чора-тадбирлар йиғиндисидир. У барча мамлакатлар 
манфаатида валюта тамойилларини такомиллаштириш мақсадида валюта 
ислоҳотлари шаклида амалга оширилади ва муайян валюталарга имтиѐзлар 
берилиши учун кураш билан ҳамоханг олиб борилади. Таркибий валюта 
сиѐсати жорий сиѐсатга таъсир кўрсатади. Жорий валюта сиѐсати - бу, 
валюта курси, валюта операциялари, валюта бозори ва олтин бозори 
фаолиятини кунлик, тезкор мувофиқлаштиришга қаратилган қисқа 
муддатли чора-тадбирлар йиғиндисидир. 

---

376 
Валюта сиѐсатининг шакллари. Валюта сиѐсатининг қуйидаги 
шакллари қўлланилади: дисконт, девиз сиѐсати ва унинг турларидан бири 
бўлмиш 
валюта 
интервенцияси, 
валюта 
заҳираларининг 
диверсификацияси, валюта чекланишлари, валюталарни алмашиниш 
даражаларини мувофиқлаштириш, валюта курси режими, девальвация, 
ревальвация. 
Дисконт (ҳисоб юритиш) сиѐсати - бир томондан капиталларни 
халқаро ҳаракатига валюта курси ва тўлов балансини, иккинчи томондан 
ички кредитлар, пул массаси, баҳолар, ялпи талаб динамикасини таъсир 
этиши орқали мувофиқлаштиришга йўналтирилган Марказий банк ҳисоб 
юритиш ставкасининг ўзгариши. Масалан, пассив тўлов балансида 
капиталларни нисбатан эркин ҳаракатлана олиши шароитида ҳисоб 
юритиш ставкасининг кўтарилиши фоиз ставкалари нисбатан паст бўлган 
мамлакатлардан капиталлар оқиб келишини рағбатлантириши ва миллий 
капиталларни мамлакатдан оқиб кетишини олдини олиши мумкин. Бу эса 
ўз навбатида тўлов баланси ҳолатининг яҳшиланиши ва валюта курсининг 
кўтарилишига олиб келади. Расмий ставкани пасайтирган ҳолда Марказий 
банк тўлов баланси актив салъдосини ва ўз миллий валютаси курсини 
пасайтириш мақсадида миллий ҳамда хорижий капиталларни оқиб 
кетишига ишонади. 
Замонавий шароитда дисконт сиѐсатининг самарадорлиги пасайди. Бу 
эса унинг ички ва ташқи мақсадларининг ўзаро қарама-қаршилигини 
кучайганлиги билан изоҳланади. Агар фоиз ставкалари конъюнктурани 
жонлантириш мақсадида пасайтирилаѐтган бўлса, бу капиталларни оқиб 
кетишини келтириб чиқарган ҳолда тўлов балансига салбий таъсир этади. 
Тўлов баланси ҳолатини яҳшилаш мақсадида ҳисоб юритиш ставкасини 
кўтарилиши, агарда у тушкунлик ҳолатида бўлса, мамлакат иқтисодиѐтига 
салбий таъсир этади. Дисконт сиѐсатининг маҳсулдорлиги мамлакатга 
хорижий капитал оқиб келишига боғлиқдир, аммо барқарорсизлик 

---

377 
шароитида фоиз ставкалари ҳамма вақт ҳам капиталлар оқимини белгилаб 
беравермайди. 
Капиталлар 
ва 
кредитлар 
халқаро 
ҳаракатини 
мувофиқлаштириш ҳам ҳисоб юритиш сиѐсатини тўлов балансига бўлган 
таъсирини бирмунча пасайтиради. Бу ердан дисконт сиѐсатининг қисқа 
муддатлилиги ва нисбатан паст самарадорлилиги келиб чиқади. Етакчи 
давлатлар, биринчи навбатда АҚШнинг дисконт сиѐсати миллий 
манфаатларга зид равишда фоиз ставкаларни кўтариш ѐки пасайтиришга 
мажбур бўлган рақобатчиларга салбий таъсир этади. Натижада вақти-вақти 
билан фоизлар уруши пайдо бўлиб туради. 
Девиз сиѐсати. Бу, миллий валюта курсига давлат органлари 
томонидан хорижий валютани (девиз) олди-соттиси орқали таъсир этиш 
услубидир. Миллий валюта курсини кўтариш мақсадида Марказий банк 
хорижий валютани миллий валютага сотади, пасайтириш учун эса аксинча 
сотиб олади. Девиз сиѐсати асосан валюта интервенсияси шаклида амалга 
ошади. Валюта интервенсияси расмий олтин-валюта заҳиралари ѐки 
марказий банкларнинг банклараро "своп" келишувларига асосан миллий 
валютадаги қисқа муддатли ўзаро кредитлари ҳисобига амалга оширилади. 
Валюта интервенцияси ХIХ асрдан бошлаб қўлланила бошланди. 
Масалан, Россиянинг Давлат банки, Австро-Венгрия банки ўз миллий 
валюталари курсини-қўллаб қувватлаш мақсадида интервенциядан 
фойдаланган. Олтин монометализми бекор қилинишидан сўнг валюта 
интервенцияси кенг қўлланила бошланди. 1929-1933 йиллар жаҳон 
иқтисодий инқирози шароитида валюта интервенциясидан марказий 
банклар валюта демпингига кўмаклашиш учун ўз валюталари курсини 
пасайтириш мақсадида фойдаланган. 
Валюта интервенцияларини ўтказишнинг моддий асоси бўлиб АҚШ, 
Буюк Британия, Франция, Италия, Канада ва бошқа мамлакатларда 1930- 
йилларда ташкил этилган валюта барқарорлаштириш фондлари хизмат 
қилди. Валюта барқарорлаштириш фондлари - бу, валюта курсини 

---

378 
мувофиқлаштириш мақсадида валюта интервенциясида ишлатиладиган 
олтин, хорижий ва миллий валюталардаги давлат фондларидир. Замонавий 
шароитда айрим мамлакатларда ушбу фондларнинг белгиланиши ва роли 
ўз хусусиятларига эга. Францияда юқорида зикр этилган фонд мақсадли 
фонд бўлиб расмий олтин-валюта заҳиралари доирасида ажратилади. 
Франция банки ўз интервенция операцияларининг характери ва кўламини 
ошкора этмаслик учун ушбу фонднинг ҳажмини матбуотда эълон 
қилмайди. АҚШда эса валюта барқарорлаштириш фонди ўз аҳамиятини 
йўқотди (унинг 2 млрд. АҚШ долларидаги ҳажми барпо этилиш пайтидан 
бошлаб, яъни 1934 йилдан ўзгармасдан келмоқда), чунки федерал заҳира 
банклари валюта интервенциясини асосан "своп" келишувининг шартлари 
асосида хорижий марказий банклар кредитлари ҳисобига амалга 
оширадилар. Буюк Британияда ҳозирги кунда валюта барқарорлаштириш 
фонди мамлакатнинг барча расмий олтин-валюта заҳираларини ўзида 
бирлаштиради. 
Девиз сиѐсати бевосита валюта курсига таъсир этади, аммо ушбу 
таъсир муваққат ва чекланган кўламлардадир. Валюта интервенциясига 
бўлган йирик харажатлар, агарда курс шаклланишининг бозор омиллари 
давлат мувофиқлаштиришидан устунроқ бўлса, ҳамма вақт ҳам валюта 
курслари барқарорлигини таъминлай олмайди. Масалан, Япония Банки 
1998 йилни апрелида валюта бозорида 21 млрд. АҚШ долларини (валюта 
заҳираларининг 10 фоизи) сотди, Бироқ сўнгги 8 йил ичида энг юқори 
(1АҚШ доллари учун 1380 иена), рекордли иена курси тушишининг 
олдини ололмади ва Япония валюта интервенциясини чеклашга қарор 
қилди. 
Валюта заҳираларининг диверсификацияси - давлатлар, банклар, 
ТМКларнинг Халқаро ҳисоб-китоблар, валюта интервенциясини амалга 
ошириш ва валюта йўқотишларидан ўзини ҳимоялашни таъминлаш 
мақсадида валюта заҳиралари таркибига турли валюталарни киритиш 

---

379 
орқали таркибий тузилишини мувофиқлаштиришга йўналтирилган 
сиѐсатидир. Ушбу сиѐсат одатда барқарорсиз валюталарни сотиш ва 
нисбатан барқарор ҳамда халқаро ҳисоб-китоблар учун зарур бўлган 
валюталарни сотиб олиш орқали амалга оширилади. АҚШ долларининг 
барқарорсизлиги унинг капиталистик дунѐ расмий заҳираларидаги 
улушини тебранишига сабаб бўлди (1973 йилда-84,5 фоиз, 1982 йилда-71,4 
фоиз, 1990 йилда-60 фоизга яқин). 
Валюта паритетлари ва валюта курслари режими миллий ҳамда 
давлатлараро мувофиқлаштириш обеъкти бўлиб ҳисобланади. Бреттон 
Вудс келишуви шартларига мувофиқ мамлакатлар ўз миллий валюталари 
курсларини бозор баҳоси асосида АҚШ долларига нисбатан ХВФда қайд 
этдилар ва олтиннинг расмий баҳоси (1 троя унцияси - 35 АҚШ доллари) 
асосида уларнинг заминидаги олтин миқдорларини белгиладилар. Фонд 
аъзолари бўлмиш мамлакатлар ўз валюталари бозор курсларини 
паритетидан +,-1 фоиздан оқиб кетишига йўл қўймаслик мажбуриятини ўз 
зиммаларига олдилар.
Девальвация ва ревальвация валюта сиѐсатининг анъанавий 
услубларидир. Девальвация - бу, хорижий валюталар ѐки Халқаро валюта 
бирликларига, олтинга нисбатан миллий валюта курсининг пасайиши. 
Унинг объктив асоси бўлиб расмий валюта курсининг бозор курсига 
нисбатан юқорироқ қўйилиши ҳисобланади. Ревальвация - бу, хорижий 
валюталар ѐки Халқаро валюта бирликларига, олтинга нисбатан миллий 
валюта курсининг кўтарилишидир. 
Курслар фарқи нуқтаи назаридан фунт стерлинг девальвацияси 
оқибатида АҚШ долларининг ҳақиқий ревальвациясидан АҚШнинг ютуқ 
ва йўқотишлари шартли ҳисоб-китобларини кўриб чиқамиз. 
1. Ташқи савдо. АҚШ-нинг Буюк Британияга экспорти бўйича 
бажарилмаган шартномалар суммаси 20 млн. фунт стерлингни ташкил 
этади деб фараз қиламиз. Америка экспортѐрларининг зарарлари (ҳимоя 

---

380 
шартлашуви йўқлиги пайтда) 8 млн. долларга этади, чунки улар тушум 
сифатида олинган фунт стерлингларни АҚШ долларларига 1 фунт учун 2,8 
доллар курси ўрнига 2,4 доллар курси бўйича алмаштирадилар, яъни: 
20 млн. ф. ст. * (2,8 - 2,4) қ 8 млн. доллар. 
Буюк Британиядан импорт бўйича бажарилмаган шартномалар 
суммаси - 15 млн. ф. ст. Америкалик экспортѐрлар қўшимча 6 млн. доллар 
оладилар, чунки девальвация қилинган валютани нисбатан қимматлашган 
ўз валюталарига сотиб олганда улар ютадилар. 
15 млн. ф. ст. * (2,8 - 2,4) қ 6 млн. доллар. 
2. Халқаро кредит. Америкалик қарздорларга қарзлари бўйича ҳисоб-
китобларни фунт стерлингларда қилиш қулай, чунки қарзни сўндириш 
учун улар нисбатан кам миқдорда доллар сарфлайдилар. Агар 5 млн. ф. ст. 
ҳажмида қарз сўндирилса 2 млн. АҚШ доллари тежалади (5 млн. ф. ст. 0,4 
доллар миқдоридаги курслар фарқига кўпайтирилади). Аммо Америкалик 
кредиторлар зарар кўрадилар, чунки улар номинал жиҳатдан аввалги 
ҳажмда, лекин девальвация қилинган валютада реал жиҳатдан камроқ 
миқдордаги суммани оладилар. Яъни, АҚШлик кредиторнинг 10 млн. ф. 
ст. талаби мавжуд бўлган пайтда йўқотишлар ҳажми 4 млн. АҚШ 
долларини ташкил этади. Шу билан биргаликда девальвация қилинган 
нақд валюта ва стерлингли ҳисобварақ эгалари ҳам зарар кўрадилар. Бунда 
агрессив ва мудофаали девальвация ҳамда ревальвациялар фарқланади. 
Девальвация ва ревальвация натижалари аниқ шарт-шароитларга 
боғлиқ бўлади ҳамда таъсири, агар бошқа омилларнинг акс таъсири 
бўлмаса, маълум бир вақтдан (лаг) сўнг ўзини намоѐн этади. Хусусан, 
АҚШ долларининг 1971 йилдаги девальвацияси фақат 1973 йилдагина 
АҚШ тўлов балансининг активлашишига кўмаклашди. Доллар курсини 
кўтаришга қаратилган АҚШнинг валюта сиѐсати (1980-1984 йилларда 
ҳақиқатда 80%га) уларга, инфляция суръатини пасайтирган ҳолда, 

---

381 
хорижий капиталлар ва арзон товарларнинг оқиб келиши сифатида фойда 
келтирди. 
Девальвация баҳоларнинг ўсишига ва меҳнаткашлар ҳаѐт даражасини 
пасайишига, ревальвация эса арзон хорижий товарлар рақобатини кўтара 
олмаѐтган тармоқлардаги ишсизликнинг кўпайишига кўмаклашади. 
Девальвация мамлакатлар ўртасида рақобатчилик курашини кучайтириб 
юборади. 
ғарбий 
Европа 
давлатларининг 
долларнинг 
икки 
девальвациясидан йўқотишлари тахминан 10 млрд. АҚШ долларини 
ташкил этди. Ривожланиб бораѐтган давлатлар эса етакчи валюталар 
девальвацияларидан зарар кўрадилар. 
Валюта сиѐсатида икки қарама-қарши бўлган тенденсия ўзаро 
чамбарчас боғланиб кетади: ҳаракатларнинг мувофиқлаштирилиши, 
валюта муаммоларини ҳал этишнинг ўзаро йўлларини топиш, ҳар бир 
алоҳида мамлакатни бошқалар эвазига имтиѐзга эга бўлишга интилиш 
оқибатидаги келишмовчиликлар. Бунинг муносабати билан вақти-вақти 
билан мамлакатларнинг валюта сиѐсатининг турли шакллари ѐрдамида 
истеъмол бозорлари, капитал қўйилмалар жараѐнлари, ҳом ашѐ манбалари 
учун валюта жанглари қўзиб туради. Ушбу жангларда девальвация ва 
ревальвация, валюта курслари режимининг кўп хиллиги, валюта 
интервенцияси, валюта чекловлари ишлатилади. 
Валюта чекловлари валюта сиѐсатининг шаклларидан бири сифатида 
мунтазам равишда ишлатилади. Валюта чекловлари - бу, резидент ва 
норезидентларнинг валюта ҳамда бошқа валюта қимматликлари билан 
операцияларини қонунчилик ѐки маъмурий жиҳатдан тақиқлаш, лимитлаш 
ва чеклашдир. Валюта чекловлари резидент ва норезидентлар валюта 
операцияларини текшириш орқали валюта қонунчилигига риоя этилишини 
таъминлайдиган валюта назоратининг таркибий қисмидир. Валюта 
чекланишлари мавжудлигида валюта назорати жараѐнида лицензия ва 
рухсатномаларнинг бор-йўқлиги, резидентлар томонидан миллий валюта 

---

382 
бозорида хорижий валюталарнинг сотилиши билан боғлиқ талабларнинг 
бажарилиши, хорижий валютадаги тўловларнинг асосланганлиги, валюта 
операциялари бўйича ҳисобни юритиш ҳамда ҳисоботнинг сифати 
текширилади. Валюта чекловлари мавжудлигида валюта назорати 
функсиялари одатда Марказий банкка юклатилади, айрим давлатларда эса 
бунинг учун махсус органлар ташкил этилади (масалан, Францияда 
иккинчи жаҳон урушидан сўнг). 
Валюта сиѐсатининг турли-туманлиги сифатидаги валюта чекловлари 
қуйидаги мақсадларни кўзлайди: 1) тўлов балансини бирхиллаштириш; 
2)валюта курсини қўллаб қувватлаш; 3)жорий стратегик вазифаларни 
бажариш учун валюта қимматликларининг давлат қўлида тўплануви. 
Валюта чекланишлари ўзининг камситиш характери билан ажралиб 
туради, чунки валюта қимматликларини, майда ва ўрта тадбиркорлар 
ҳисобига, уларни хорижий валюталар олиши учун қийинчиликлар 
туғдирган ҳолда, давлат ҳамда йирик корхоналар фойдасига қайта 
тақсимланишига кўмаклашади. Шу сабабли монополлашмаган сектор 
валюта чекланишлари киритилишига одатда қарши чиқади. Валюта 
чекланишлари одатда ҳамкор савдогарларга нисбатан қўлланиладиган 
тазйиқ ва камситиш сиѐсатининг таркибий қисми бўлиб ҳисобланади. 
Ушбуларни қўлланилишида сиѐсий сабаблар катта ролъ ўйнайди. 
Валюта чекловлари қуйидагиларни назарда тутади: 
1) 
Халқаро 
пул 
тўловлари 
ва 
капитал 
ўтказмаларини 
мувофиқлаштириш, экспорт тушуми, фойда, олтин ҳаракати, пул 
белгилари ҳамда қимматли қоғозлар репатриацияси; 
2) хорижий валютанинг эркин олди-сотдисини тақиқлаш; 
3) хорижий валюта ва бошқа валюта қимматликларининг давлат 
қўлида тўплануви. Шу жумладан, тўлов ҳужжатлари (чеклар, векселлар, 
аккредитивлар ва бошқалар), номинали хорижий валютада кўрсатилган 
қимматли қоғозлар, қимматбаҳо металларнинг тўплануви. 

---

383