Raqamli sxematexnika

ChAQ avtomatik boshqaruv tizimlariuchun signallar berishi ham mumkin. Mashinalarning so‘nggi avlodlarida AQ va BQ, odatda, birlashtirilgan. Bunday birlashgan blok protsessor deyiladi. Informatsiyani saqlash va tanlash uchun TXQ va OXQdan tashqari bir qator oraliq bloklarni o ‘rnatish mumkin. Ular qancha tezkor harakat qiluvchi bo‘lsa, xotira blokining hajmi shuncha kichik bo‘ladi. Barcha xotira bloklarini mashina «xotira»si informatsiyani kiritish va chiqarish bloklarini «aloqa kanallari» deb ataladi. Mashina ishlash jarayonida, dasturda yozilgan operatsiyalarni bosqichma-bosqich bajaradi. Dastur (programma) buyruqlar ketma-ketligidan iborat. Har bir buyruq ikkilik sonlar to‘plami. Buyruqning birinchi soni operatsiya kodi bo'lib, uni bajarish shart (masalan, 001 «ikki sonni qo‘shish»ni bildiradi). Buyruqning ikkinchi soni xotira yacheykasining manzili (tartib raqami yoki koordinatalari) bo‘lib, unda birinchi jumla yoziladi. Buyruqning uchinchi soni — boshqa jumlaning manzili, buyruqning to ‘rtinchi soni — qo‘shish natijasi yozilishi kerak bo‘lgan xotira yacheykasining manzili. Qo‘shish natijasi — bu ikkita ikkilik sonlar yig'indisi. Shunday qilib, buyruq impulslar ketma-ketligi bo‘lib, bu impulslar unda birliklar yozilgan razryadlarga mos keladi: 00101101... 10010. Qaralayotgan buyruq uch manzilli buyruq deyiladi. Mashinalarda boshqa turdagi buyruqlar ham qollaniladi.