Raqamli iqtisodiyot va tadbirkorlik

BUXGALTERIYa HISOBINING SUB’EKTLARI

Respublikamizning «Buxgalteriya hisobi to‘g‘risida qonuni» (6-modda)ga muvofiq buxgalteriya hisobining sub’ektlari bo‘lib davlat hokimiyati va boshqaruvi organlari, O‘zbekiston Respublikasida ro‘yxatga olingan yuridik shaxslar, ularning O‘zbekiston Respublikasi hududida hamda undan tashqarida joylashgan sho‘ba korxonalari, vakolatxonalari, filiallari va boshqa tarkibiy bo‘linmalari hisoblanadi.

Buxgalteriya hisobi sub’ektlari hisoblanadigan yuridik shaxslarni turli belgilari bo‘yicha tasniflash mumkin. Bunday belgilarning asosiylari sirasiga korxonalarning mulkiy shakli va yuridik maqomi, ta’sischilarining tarkibi, xodimlarining soni, ishlayotgan soliq rejimi, tarmoq va sohalarga tegishliligi va boshqalarni kiritish mumkin.

Mulkiy shakli va yuridik maqomiga ko‘ra korxonalar ochiq aksiyadorlik jamiyatlari (OAJ), mac’uliyati cheklangan jamiyatlar (MChJ), xususiy korxonalar (firmalar), xorijiy korxonalar, qo‘shma korxonalar, davlat unitar korxonalari, nodavlat notijorat tashkilotlari kabilarga bo‘linadi (2.9-rasmga qarang).