Ramazonda bu 4 masalani bilishingiz kerak

Bir insonni cheksiz ehtiyojlar bilan , ojiz shaklda yaratilishi - cheksiz qudrat sohibi bo`lgan Zot ni topishi uchundir.

Payg`ambarimiz sollallohu alayhi vasallam shunday deydilar:
“3 duo qaytarilmaydi. Mazlumning, odil rahbarning va ro`zadorning duosi” .
Nega bunday bilasizmi? Chunki ro`zador holda shunday ojiz bo`lasizki , cheksiz Qudrat sohibini yanada yaxshiroq anglaysiz. Mehmonga borsangiz, uy sohibi “o`tir” demagunicha dasturxonga o`tirolmaysiz. Ramazon vaqtida dasturxon hozirlangan, iftorni kutyabsiz. 1 daqiqa oldin ochsak bo`lmaydimi? Bo`lmaydi. Ro`za ketadi. Buni ko`rib hayolan deysizki : “Ya Rob! Koinotning sohibi Sensan. Dasturxonning ham sohibi Sensan. Ne`matning, hatto ne`matni qabul qiladigan me`damning ham sohibi Sensan. Men Sening amringga bo`ysunib , dasturxonga o`tir degan vaqtinga o`tiraman. Shu orqali Sen koinotning sohibi ekanligingni yana bir bor tasdiqlayman”

Ramazon nima bilasizmi?

“Allohim, Sen uchun faqat haromlar emas, halollardan ham qo`limni tortdim. Sen ne desang shu Ya Rob!” demakdir.

Nafsimizning hayvoniy tuyg`ulariga qarshi kurash Ramazon oyida cho`qqiga chiqadi. Chunki hayvoniy tuyg`ularimizga eng ko`p quvvat beradigan me`damiz ramazon oyida qisiladi.

Natijada insoniy lazzatlar ola boshlaymiz. Ya`ni Qur`ondan, namozdan, Rasululloh sollallohu alayhi vasallamni zikr qilishdan, salovat aytishdan lazzat olamiz. Hayvoniy tuyg`ular so`nganida o`rtaga bir muazzam inson chiqadi. Payg`ambarimiz sollallohu alayhi vasallam bu qiymatni bilganlari uchun Ramazonni Rajab oyida boshlashadi, Shabonda orttirishadi, Ramazonda haqqini berishadi, Shavvolda ham davom ettirishadi.

Ramazonda qilinadigan xatolardan biri: ko`p uxlaymiz, iftor dasturxoni tayyorlaymiz, do`stlar bilan o`tirib yeymiz mazza qilamiz. Yo`q . Ramazon bunday bo`lmasligi kerak.

Ramazon g`aflatning emas , kurashishning oyidir. Sahar vaqti deraza pardalarini ochganimizda chirog`i yonmagan uylar ko`rsak : “ Bu chirog`i yonmagan uylarning mas`uli menman, ular saharlikka turmasa bunda mening ham aybim bor. Eshikma eshik yurib ularga haqiqatni anglatsaydim , ular ham bundan xabardor bo`lardi “ deyishimiz kerak.