Ramazon kundaligi (2020)

Ilm olish shartlari:
1. Niyat pok va to’g’ri bo’lmog’i shart. Ilm olishdan murod Allohning roziligini 
topish bo’lsin. Allohdan duo qilib, to’g’ri yo’l va xayr so’ramoq darkor. Bu niyat 
buzilsa Allohning yordami va barakasi kesiladi.
2. Ilmga ehtirom va ixlos ko’rsatmoq shart. Ilm yo’lida har ishni yuksak e’tibor 
va muhabbat ila ado etmoq, ilm muqobalasida oromdan, ko’ngilxushliklardan 
voz kechiladi.
3. Ishonchli ustozning sabog’ini olish shart. Ustozning yordami, nazorati va 
qo’llovisiz olingan ilm — mukammallikdan yiroq, jaholatga yaqindir.
4. Ilm olarkan uning manfaatli ekanligi hisobga olinmog’i shart. Foyda 
keltirmaydigan ilm umrning, zehnning ofatidir.
5. Ilm davomiylikni, takrorni taqozo etadi. Busiz ilm hosil bo’lmaydi.
6. Ilm olish jarayonida keraksiz bahsdan, hukm chiqarishdan, olimlarni 
behurmat qilishdan, vaqtni zoya ketkazishdan yiroq bo’lmoq shart.
Tartibsiz, tizimsiz o’qish, maqtov va olqish uchun ilm olish xorlikka yetaklaydi. 
Allohim, bizga manfaatli ilm ber, chala ilm olib, johillarning ham johili bo’lib qolishdan 
o’zing saqla.

---

Ramazon kundaligi (2020)
3
5. ENG SHARAFLI ISH
Har bir inson uchun iymon va islomda bo’lish qanchalik ulug’ bo’lsa, har bir mo’min 
musulmon uchun dinga, iymoni islomga xizmat qilmoq — shunchalar ulug’ darajadir.
Dinga xizmat qilishning darajalari turli va ko’rinishlari bir necha qism va 
bosqichlardan iborat:
Dinga xizmat qiliuvchilarning eng yaxshilari iymon va islom ilmlarini o’rganib, 
boshqalarni shunga da’vat etuvchi insonlardir. Bu dinga xizmat qilishning eng 
oliy darajasidir. Ular Allohning rahmatiga, jannatiga va azizlikka qanchalar yaqin 
bo’lsalar, Allohning la’natiga, jahannam azobiga va xorlikka ham shunchalar 
yaqindirlar.
Dinga xizmat qilishning har kim uddalaydigan bir shakli bor. U eng to’g’ri va eng 
xavfsiz bir shakldir. Bu yo’lni tanlagan inson men dinga xizmat qilayapman deb 
ko’ksiga urmaydi, jihod qilaman deb fitna changalida o’zini qurbon etmaydi, 
zamondan nolib, insondan ayb axtarmaydi. Ammo u eng sharafli ishni amalga 
oshiradi — Allohning dinini shaxsiy hayotiga butkul joriy qilmoq. Soddaroq qilib 
aytganda, Allohning qadari qoshida haddini bilib, din ahkomlariga itoat etmoqdir. 
Bunday mo’minning qo’li va tili birovnig ozorlamaydi, ota-onasi undan norizo 
bo’lmaydi, ayoli nafratlanmaydi, farzandlari undan bezimaydi, qo’shnilar 
yomonlik ko’rmaydi, aka-ukalari qavmu-qarindoshlari uning g’amxo’rligidan 
hech qachon chetda qolmaydi. Ibodatlari qazo bo’lmaydi, gunohga qadam 
qo’ymaydi, haqqini birovga oldirmaydi, sha’nini yerga urdirmaydi, mo’min 
birodari och qolsa to’q bo’lmaydi, kasal bo’lsa sog’ yura olmaydi, g’iybatu-
ig’vodan yolg’onu-tuhmatdan hazar qiladi. Ro’za tutadi o’zgalar sezmaydi, o’ng 
qo’li ehson qiladi chap qo’li bexabar qoladi. Haqiqatni bukmay gapiradi, 
pastkashning qoshida boshini egmaydi, orsizni gapirtirib qo’ymaydi, tahajjudi 
Alloh va uning o’rtasida bir sir bo’ladi. Qur’on tilovati Alloh bilan suhbatiga 
aylanadi, jon va molidan tashvish chekmaydi, dunyo g’amida yugurmaydi, bu 
ishlarning hammasini dini Islom uchun, Allohning rizosi bajaradi. Bir 
mo’minning, bir musulmonning bugun dinga qilajak buyuk xizmati shudir. O’z 
hunari-kasbining mohiri bo’lmoq — dinga xizmatning bir turidir. Oilasidan bir din 
ulamosini tarbiya qilib bergan inson esa — asrga tatigulik, zamonlarga yetkulik 
ishni qilibdi. Allohim bizni iymon va islom xizmatkori et, sharafli bu yo’lning 
sharafsiz yo’lchilarimiz, gunohlarimizni kechir, hidoyatingda sobit ayla!
6. JISMIMIZ SULTONI

---

Ramazon kundaligi (2020)
4
7. UNING HURRIYATI XORLIKKA YETAKLAYDI
8. GUNOHLARNING KELAJAKDAGI QARORGOHLARI
9. TO’ZONDA SUT KO’TARGAN ODAM
10. DINDA SAVOLIM BOR
11. O’ZINGIZDAN KAROMAT IZLAMANG
12. O’LIK SO’ZLAR NAFAS OLMAYDI
13. SABRLARNING ENG GO’ZALI
14. HAQIQAT VA RO’YO
15. ALLOHNING NE’MATLARI
16. UNSIYAT VA UXUVVAT
17. DAXLSIZ CHEGARALAR
18. HAQORAT - PASTKASHNING ODATI
19. SUKUT XAZINASI
20. DIYDOR VA SUHBAT
21. O’Z BILAN QOLMOQ
22. SUBUT VA SABOT
23. ISHDAGI JIDDIYAT, IXLOS VA BARAKA
24. UMR MOTAMI
25. INTIZOM VA TAKAMMUL
26. HAMIYAT HIMOYASI
27. KO’ZLARIMIZ IMKONNI NEGA KO’RMAYDI
28. BAYONIMIZ MAQSADI VA DUO ILTIMOSI
29. MUNOJOT NOMA