Рaмa мaтериaллaр олиш технологияси

§3.6. Sb₂O₃, AI(OH)₃ ва базальт асосида материалнинг ёнғин ҳавфсизлигини камайтириш, тальк ёрдамида ёрилишининг олдини олиш борасида тaдқиқотлар
Тадқиқотларимизнинг кейинги босқичида яратилган изоляцион ўрама материалларнинг ёнғин ҳавфсизлигини камайтириш борасида тaдқиқотлар олиб бордик. Маълумки, ўрама материалларнинг ёнғин ҳавфсизлиги энг муҳим хусусиятларидан ҳисобланади. Нафақат изоляцион массани тайёрлаш жараёнида балки, тайёр маҳсулотни бино ва иншоатларга қўллашда, материалнинг бутун хизмат даврида ҳам ёнғиндан юқори даражада ҳимояланиши шарт. Кейинги изланишларимизда изоляция материалларининг ёнишга тўсқинлик қилувчи янги рецептларини яратиб, материалнинг ёнғин ҳавфсизлигини таъминладик, ишлаб чиқаришда энергия ва вақт сарфини сезиларли даражада камайтиришга, қўлашдаги капитал харажатлар сарфини пасайтиришга эришдик. Нормал изоляцион қобилиятини сақлаган холда, ҳамда стандарт физик-механик хусусиятлари мавжуд, термостатлашдан (5 %) кейин сиқилиш юқори даражаси билан характерланадиган таркиб яратдик. Бунинг учун сурма уч оксиди (Sb₂O₃), алюминий гидроксид AI(OH)₃ ва базальтдан фойдаландик. Дастлабки тaдқиқотларимизда биз таркибга Султон Увай тоғ тизмаларидан келтирилган фаол бўлмаган базальтни киритишдан бошладик. Резина қатрони (5 % гача) киритилган термик ишланган госсипол смоласига базальтнинг киритилиши унинг пластиклигини пасайишига олиб келади. Таркибни тўғирлаш натижасида, том ёпиш ва изоляцион маҳсулотларга келтирилган талабларга ўз хусусиятлари билан тўлиқ жавоб берадиган масса олинди. Резина қатронини «Амадина» МЧЖ (Тошкент) корхонасидан олиб келинди. Унинг хоссалари (3.4-жaдвaлгa қaрaнг) келтирилди.


3.4-жадвал
«Амадина» МЧЖ (Тошкент) корхонаси резина қатронининг физик-механик хоссалари