Раислик қилди: Тоштемиров Шуҳрат Жарқўрғон туман 38 -сонли мактабгача таълим ташкилоти Кузатув кенгаши

Жарқўрғон туман Мактабгача таълим бўлимига қарашли 38-сон “Гулбахор”
Мактабгача таълим ташкилотида Кузатув кенгаши йиғилиши
БАЁННОМАСИ №____

2020 йил 24 декабрь “Хайитобод” махалласи

Раислик қилди: Тоштемиров Шуҳрат Жарқўрғон туман 38 -сонли
мактабгача таълим ташкилоти Кузатув кенгаши
раиси
Қатнашдилар: Мактабгача таълим ташкилотида Кузатув кенгаши
аъзолари хамда ота-оналар, туман Мактабгача
таълим бўлимининг масъул ходими
С.Шерданақулов, ташкилот педагог ходимлари.
КУН ТАРТИБИ:

1.2020 йил давомида 38 –МТТ да бажарилган ишлар юзасидан МТТ директори

хисоботи.

2.Мактабгача таълим ташкилотида “Янги йил” байрамини ўтказишда ота-оналар хамкорлиги.

3.Гурухларда қишки мавсумнинг назорати.

Йиғилиш кун тартибдаги масалалар юзасидан 38-сон “Гулбахор” мактабгача таълим ташкилотида Кузатув кенгаш раиси Ш.Тоштемиров сўзга чиқди. Ш.Тоштемиров йиғилишни очиқ деб эълон қилиб, кун тартибидаги масалалар билан таништириб, сўзни 38-сон МТТ директори Н.Жумаевага берди. МТТ директори Н.Жумаева 2020 йил давомида МТТ да бажарилган ишлар юзасидан хисобот берди.

2020 йилда МТТ да 4 та куни узайтирилган ҳамда 2 та қисқа муддатли гурух фаолият юритди. Жами 140 нафар болалар таълим-тарбия олдилар. 2 нафар олий маълумотли, 7 нафар ўрта-махсус маълумотли педагоглар ўз вазифаларини масъулият билан бажариб келдилар. Йил давомида маънавий-маърифий, спорт мусобақалари, кўнгилочар тадбирлар, амалий, назарий семинарлар, очиқ машғулотлар ўтказилди. 2020 йилда юртимизга кириб келган коронавирус касаллиги сабабли МТТ бир неча ойша ўз фаолиятини тухтатиб турган бўлсада, бизнинг жонкуяр тарбиячиларимиз тарбияланувчилар билан онлайн тарзда фаолият олиб борди.

Ташкилотда бажарилаётган ишлар, олиб борилаётан тадбирлар кузатув кенгаши аъзолари билан биргаликда амалга оширилмоқди. Гурухларда машғулотлар ўтказилиши, овқатланиш гигиенасига риоя қилиниши хоналар жихозланиши тартиби Кенгаш аъолари томонидан кузатиб келинмоқда.
Йил давомида олиб борилган ишлар қаторида йилнинг декабр ойида Ўзбекистон Республикаси Конститутсиясининг 28 йиллиги таъкидлаб ўтди.
Кун тартибидаги навбатдаги масала юзасиданкенгаш раиси сўз юритди. МТТ да янги йил байрамини кўтаринки рухда ўтказиш кераклигини, бунда эса ота-оналарнинг хамкорлиги катта аҳамиятга эга эканлигини айтиб ўтди.

Пандемия шароитидан келиб чиқиб, тарбияланувчиларга хар бир гурухдан хомийлар сайланиб байрам совғасини ўша хомий ота-оналар тайёрлаб беришини тасдиқлашди. Байрам тадбирида хар бир гурух қатнашиши ва тарбияланувчиларга совғаларни бир хилликда қилиниш таклифи киритилди. Кичик гурух болалари учун Иззатуллаев Анвар ва Тиловов Қахрамон, ўрта гурух Эшмуродов Тўлқин ва Мусаев Эркин, 2-тайёрлов гурухи учун Бекмуродов Ойбек ва Чоршанбиев Самандар, қисқа муддатли гурух учун Менлиқулов Ўткир ва Йўллиев Омонгелдилар хомийлар сифатида бириктирилди. Бундан ташқари арча байрамини хар бир гурух хонасида дабдабаларсиз камторона ўтказишга келишилди.

Кейинги масала куз-қиш мавсумида бажарилаётган ишлар назорати тўғрисида бўлиб, кенгаш раиси ўз сўзини қуйидагича давом этди. Куз-қиш мавсуми учун кўрилган тайёргарлик жуда яхши бажарилганлиги боис, бугунги кунгача МТТ хар бир хонаси иссиқ барча шароитлар яратилган. Карантин қоидаларига доим риоя қилган холда болаларни қабул қилиш кераклиги хам қайта таькидланди.

Юқоридаги масалалар юзасидан йиғилиш қатнашчилари ўз фикр-мулоҳазаларини билдиришди. Янги йил “Арча” байрами учун болаларга хомий ота-оналар томонидан бир хилликда совғалар ташкил этишни бир овозадан маъқулландилар.

Кун тартибидаги масалалар юзасидан билдирилган фикр-мулоҳазалар, таклифлар атрофлича муҳокама қилиниб, йиғлиш

ҚАРОР ҚИЛАДИ:

1. 
   38-сон “Гулбахор” мактабгача таълим ташкилоти директорининг кенгаш олдида қилган хисоботи маълумот учун қабул қилинсин.
   
2. 
   Янги йил байрамида болалар учун бир хил совғалар қилиш учун хомийлик ёрдамлари жалб қилинсин.
   
3. 
   Янги йил байрами МТТ гурухларида ўтказилсин, ота-оналар хамкорлиги жалб қилинсин.
   
4. 
   МТТ да куз-қиш мавсуми назорати кучайтирилсин, камчиликларни ўз вақтида бартараф этиш чоралари кўрилсин.
   
5. 
   Ушбу қарорларниинг бажарилиши назоратини ўз зиммамда қолдираман.
   

Йиғилиш раиси: Ш.Тоштемиров


Йиғилиш котиби: Т.Ибрагимов