Rahim Vohidov, Husniddin Eshooqutov

I-BOB «o’ZBEK MYMTOZ ADABIYOTI TARIXI" FANIGA KIRISH
1.1. o’zbek mumtoz adabiyoli fan sifatida
Badiiy adabiyot tabiat gultoji sanalmish hazrati inson bilan egizak dunyo yuzini ko’rgan san'at turlaridan biridir. Inson yaratilibdiki, o’zi yashayotgan borliq sir-u sinoatlari bilan oshno bo’lgisi, ulardan yuksak shavq-zavq olgisi, ichki kechinmalari, orzu-intilishlari, ruhiy holatlarini o’zigagina hadya etilgan oliy ne'mat-so⁽zda badiiy, bo’yoqli tarzda ifodalagisi keladi. Adabiyot tarixi esa mana shu o’ziga xos murakkab hodisaning eng qadimgi davrlardan zamonamizgacha bo’lgan tarixiy taraqqiyot jarayonini o*rganuvchi fandir.
Badiiy ijod uning nodir namunalarini yaratuvchi ma'lum bir xalqning e'tiqodiy qarashlari majmuasidan bahramand bo’ladi. Shu ma'noda u o⁽sha xalq dunyoqarashi, ma'rifiy olami va ma'naviyatini badiiy aks ettiradi. Shunga ko’ra, alohida xalqlar nomlari bilan ataluvchi adabiyotlar vujudga keladi. Xalqimiz ma'naviy madaniyatining ajralmas tarkibiy qismi esa o’zbek adabiyotidir.
o’zbekiston Respublikasi mustaqillikka erishgandan so’ng o’tmishni, fanlar tarixi, adabiy merosni o’iganishga jiddiy e'tibor qaratildi. Milliy o’zlikni anglash, milliy mafkura, ma'naviyat, ma'rifat kabilar Davlat dasturidagi dolzarb masalalar sirasidan ustuvor yo’nalish sifatida joy oldi. Shu jihatdan mamlakat Prezidenti I.A,Karimovning hozirjavoblik va donolik bilan aytgan quyidagi fikrlari muhim ahamiyat kasb etadi: "Biz ma'naviy qadriyatlarai tiklashni nulliy o’zlikni anglashning o’sishidan, xalqning ma'naviy sarchashmalariga, ulaming ildizlariga qaytishdan iborat uzviy tabiiy jarayon hisoblaymiz" (Karimov LA. o’zbekiston XXI asr bo’sag’asida: xavfsizlikka tahdid, barqarorlik shartlari va taraqqiyot kafolatlari. Toshkent: "o’zbekiston", 1997, 137-bet).
Xalqimiz ma'naviy qadriyatlarini o’zida ifoda etgan o’zbek mumtoz adabiyoti tarixini o’rganish barkamol avlod qalbida milliy iftixor tuyg’ularini shaklJantirilishiga ulkan hissa qo’shishi bilan ahamiyatlidir.