Radio jurnaliSTİKA

Qanuna görə ictimai yayım xidməti müstəqil 
olmalıdır. 
İctimai yayımçı bu qanunla müəyyənləşdirilmiş 
məqsədlərini həyata keçirmək üçün proqramlar 
hazırlayarkən cəmiyyətdəki siyasi əqidələri, dini 
baxışları, ictimai fikir və rəyin müxtəlif cərəyanlarını, 
Unutma!
İctimai yayım 
xəbərləri tərəfsizlik, 
doğruluq, plüralizm 
və dözümlülük, açıq 
siyasi maraqlardan 
uzaqlaşma kimi 
standartlarına uyğun 
olmalıdır.
Xəbərlər proqramında 
informasiyalar 
əhatəli, tərəfsiz, 
qərəzsiz, müstəqil 
olmalı, cəmiyyətdəki 
fərqli baxışlara uyğun 
hazırlanmalı, şərhlər 
faktlardan dəqiq 
şəkildə ayrılmalıdır.
Radio yayım studiyası

---

90
habelə ölkə vətəndaşlarının hüquq bərabərliyini nəzərə 
almalıdır. Proqramlar milli-mənəvi dəyərləri, milli 
adət və ənənələri, mədəniyyət və incəsənətin bütün 
rəngarəngliyini özündə əks etdirməlidir. İctimai yayım 
proqramlarında siyasi baxışların birtərəfli qaydada 
üstünlüyünə və ya təbliğatına yol verilməməlidir. 
Plüralizm və dözümlülük prinsipinə uyğun olaraq 
cəmiyyətdəki müxtəlif nəzər nöqtələri, problemlərə 
yanaşma, şərhlər və analitik təhlillər alternativ 
əsaslarla və diskussiya formasında aparılmalıdır. 
Ölkədə özəl yayımçılar müəyyən üstünlük təşkil 
edir. Bakı şəhərindən ölkə ərazisinə yayımlanan 4, 
bölgələrdə işləyən və məhdud əraziyə yayımlamaq 
hüququ olan 9 bölgə televiziyası var. Bölgələrdə 
özəl radio yayımları yoxdur. Qanun özəl yayımçı 
olmaq üçün bir sıra məhdudiyyətlər qoyur. Yalnız 
ölkədə daimi yaşayan Azərbaycan vətəndaşları və (və 
ya) nizamnamə kapitalı ölkədə daimi yaşayan ölkə 
vətəndaşlarına məxsus olan hüquqi şəxslər yayımçı 
ola bilərlər. Xarici vətəndaşlar, ölkədən kənarda daimi 
yaşayan Azərbaycan vətəndaşları, onlara məxsus 
hüquqi şəxslər, xarici hüquqi şəxslər yayımçı ola 
bilməzlər. Bundan əlavə, qanun siyasi partiyalara və 
dini qurumlara da yayımçı olmağı yasaq edir.
Özəl rardio yayımının tənzimlənməsi ilə bağlı daha 
çox ‘’Televiziya və radio yayımı haqqında’’ qanuna 
istinad edilir. Bu Qanun hər kəsin məlumat, fikir və 
söz azadlığının, açıq və azad müzakirələr keçirmək 
hüququnun təmin edilməsinə yönəldilən televiziya 
və radio fəaliyyətinin hüquqi, iqtisadi və təşkilati 
əsaslarını müəyyənləşdirir.