Рақамли коммутациялаш тизимининг коммутация майдонини тузили-ши. Фазо – вақт коммутациялаш блокинингтузилиш принциплари

NEAX-61E РАҚАМЛИ КОММУТАЦИЯ ТИЗИМИ

Япония корпорацияси NEC нинг NEAX-61E тизими катта сиғимли ра-қамли коммутация тизими ҳисобланади. У коммутация тармоғининг турли амалий функцияларини амалга оширишни таъминлайди. Тизим ёзилган дас-тур бўйича бошқарилади ва интеграл хизмат кўрсатувчи рақамли тармоқ (ISDN) хизматларини тақдим этиши мумкин. ISDN хизматларини бериш ик-ки симли аналог абонент линия бўйича умумфойдаланишдаги коммута-цияланадиган телекоммуникация тармоғи, улаш линиялари бўйича пакетлар-ни коммутацияси асосида маълумотларни узатиш тармоғи, рақамли линия-лари бўйича пакетларни коммутация асосида маълумотларни узатиш тармоғи билан ўзаро ҳамкорлик йўли билан таъминланади. NEAX-61E коммутация тизими биринчи марта 1977 йилда жаҳон тармоғида қўлланила бошлади. Бу тизим ҳозиргача телекоммуникацияда, компютерларда, электроника соҳасида учраётган янги ғоя ва ишлаб чиқаришлар асосида такомиллаштирилмоқда.

NEAX-61E тизимининг қурилмалар мажмуаси маҳаллий, шаҳарлараро, халқаро телекоммуникация тармоқларида ишлашга мўлжалланган. У ҳамма турдаги АТС ва ШАТС лари билан ўзаро алоқани таъминлайди.
Агар тизим маҳаллий тармоқда ишлатилса станциянинг максимал сиғи-ми 350000 абонент линиялари ёки 18450 улаш линияларига, станциянинг ўтказувчанлик қобилияти 27000 Эрланга, агар шаҳарлараро ва халқаро тар-моқларда қўлланилса, станциянинг максимал сиғими 60000 улаш линия-ларига, концентратор сифатида ишлатилса, сиғими 4096 абонент линияла-рига тенг бўлади. Энг катта юклама соатида станция 1500000 чақириққа хизмат кўрсата олади. Тизим максимал 512 маршрут ҳосил қила олади. Ҳам-ма турдаги номерлаш тизимида ишлай олади.
Тизимга ҳамма турдаги абонент ва улаш линияларни улаш мумкин. Шунинг учун NEAX-61E тизим ҳамма турдаги абонент сигнализацияси (импульс, кўп частотали “8 дан 2” коди) ва ҳамма регистр турдаги сигна-лизацияси (батарея импульслари, кўпчастотали код “6 дан 2”,”5 дан 2”, MF/ MFC, ITU-T тавсиялар асосидаги 1, 4, 5, 6, 7, R1, R2, линия сигналлари, умумканал сигнализацияси) билан ишлай олади. Ҳамма турдаги тарифика-цияни қўллаши мумкин.
NEAX-61E тизимининг коммутация майдони вақт-фазо-фазо-вақт (T-S-S-T) тамойили бўйича қурилган.
NEAX-61E тизимида марказлашмаган бошқариш усули ишлатилган. Бу юкламани тақсимлашга, тизим тузилмасини соддалаштиришга ва ишлатила-диган модуллар сонини камайтиришга олиб келади. Тизим 48 ± 5В кучла-нишли ўзгармас токдан озиқланади.
NEAX-61E тизимини ишлатилиш варианти ва сиғими 1 - жадвалда келтирилган.
1- жадвал