R yunusov, K. Umarov, B. Karimov

Tok kesish vaqti. Dunyo tokchiligida, shu jumladan, O‘zbe-
kistonda tok tuplari asosan ikki muddatda kuzda ko‘mishdan 
oldin (oktabr–noyabrda) hamda bahorda tuplar ochilgach kur-
taklar uyg‘onguncha kesiladi. Kuzgisi dastlab kesish hisoblanib, 
bunda novdalar 20–30 foiz ko‘proq qoldiriladi. Bahorgisi uzil-
kesil hisoblanib, bunda shikastlangan va ortiqcha bo‘lgan novda-
lar olib tashlanadi. Tok tajribali ishchilar tomonidan kesiladi. 
Bahorgi sovuqlarda zararlangan tok tuplari ularning zararlangan 
darajasi aniqlangach, shuningdek, qari toklarni yoshartirishning 
maxsus qoidasi asosida kesiladi.