R. H. Davlatova, K. Abdurahmonova “O`zbek tili” fanidan amaliy mashg`ulot uchun ishlanmalar navoiy-2020

1-DARS

O‘zbekistоn – yagоnа Vаtаn.

REJA:

1. 
   “Mustaqilik bayrami” matni.
   
2. 
   Orfoepiya qoidalari. O‘zbek tilida tovushlar talaffuzi
   

Tayanch so‘zlar: Mustaqilik, Vatan, yurt, g‘urur, bayram, orzu, davlat,inson, hamkorlik, aloqalar, munosabat, yuksalish,taraqqiyot, tinchlik, totuvlik
1-topshiriq. Matnni o‘qing va mazmunini tushuntiring?

Mustaqillik bayrami

Bugun O‘zbekistonda katta bayram. Mustaqillik maydonida ulkan shodiyonalar bilan o‘zbekistonliklarning eng sevimli bayrami - Mustaqillik kuni nishonlanmoqda. 1991- yil 1- sentabr o‘zbek xalqi tarixida unutilmas sana bo‘lib qoldi. Shu kuni o‘zbek xalqi o‘zining asriy orzusi - mustaqillikka erishdi. Oz vaqt ichida O‘zbekistonni mustaqil davlat sifatida dunyoning 120 dan ortiq mamlakati e’tirof etdi. 1992-yil 2-mart kuni O‘zbekiston BMT a’zosi bo‘ldi. Mustaqil O‘zbekistonda ro‘y bergan o‘zgarishlar: fan-texnika, tibbiyot, madaniyat, umuman, hamma-hamma soha, yo‘nalishdagi yutuqlarimizning dovrug‘i butun olamga tarqaldi. Paxta, neft va oltindek boyliklarimiz o‘z qolimizga tegdi.

O‘zbekistonda turli davlatlardan kelgan investorlar, katta-katta ishbilarmonlar har xil bitim, shartnomalar tuzib ish boshladilar, turli qo‘shma korxonalar barpo etildi. Ko‘plab o‘zbekistonlik talabalar chet davlatlarda tahsil olishmoqda.

O‘zbekistonda ulkan qurilishlar amalga oshirildi va amalga oshrilmoqda, O‘zbekiston ko‘rkiga ko‘rk qo‘shib turuvchi zamonaviy osmono‘par binolar, turli xil savdo, dam olish, ovqatlanish, spotr inshootlari ko‘plab qurilmoqda.

Mustaqillik maydonidagi bayram tomoshalarini kuzatar ekanmiz, xayolimizdan beixtiyor mana shu so‘zlar o‘tadi: “Biz, yoshlar qanday millatga mansubligimigdan qat’iy nazar, o‘z mustaqilligimizni, yurtimizni hech kimga bermay, asrab-avaylab qadriga yetamiz. Kelajakda o‘z xalqimizga munosib inson bo‘lib yetishamiz va xalq farovonligi yo‘lida xizmat qilamiz”.