R. D. Dusmuratov buxgalteriya hisobi

IV bo‘lim. Olinadigan schotlar – joriy qismi 
 
Ushbu bo‘limning schotlari quyidagilar to‘g‘risidagi axborotlarni 
umumlashtirish uchun mo‘ljallangan:
a) xaridorlar va buyurtmachilardan olinadigan schotlar; 
b) olingan veksellar; 
d) ajratilgan bo‘linmalar, sho‘ba va qaram jamiyatlaridan olina-
digan schotlar; 
e) turli yuridik va jismoniy shaxslarga berilgan bo‘naklar; 
f) xodimlar, ta’sischilar va turli debitorlarning qarzlari. 
Chet el valutasida olinadigan schotlar ushbu bo‘limning schot-
larida so‘mda chet el valutasini pulli hisob-kitob hujjatlaridan ko‘chirma 
olingan sanadagi O‘zbekiston Respublikasi Markaziy banki kursi 
bo‘yicha qayta hisoblash yo‘li bilan hisobga olinadi. Debitorlik qarz-
larini har oyda hisobot oyining oxirgi sanasidagi O‘zbekiston Respub-
likasi Markaziy banki kursi bo‘yicha qayta baholash natijasidagi kurs 
farqlari (kurs farqidan ijobiy bo‘lganda) 9540-«Valuta kurslari farqidan 
daromadlar» yoki (kurs farqi salbiy bo‘lganida) 9620-«Valutalar kursi 
farqidan zararlar» schotiga olib boriladi.