R. D. Dusmuratov buxgalteriya hisobi

«O‘zbekiston Respublikasi 
xalq maorifi a’lochisi»
faxriy unvoni va bir qancha faxriy yorliqlar 
bilan mukofotlangan. 
Biz shogirdlar, uchrashib qolganimizda, birinchi navbatda, 
ustozning o‘z kasbiga cheksiz sadoqati, bilimi, pedagoglik mahorati, 
halolligi, prinspialligi, talabalarga mehribonligi kabi ijobiy fazilatlarini 
faxr va hurmat bilan eslaymiz. 
Darhaqiqat, ustoz uchun eng oliy mukofot–bu shogirdlar e’zoz-
lashi, xotirlashi, baxti-iqboli va yutuqlaridir. 
Sharofiddin aka ilmiy darajaga ega bo‘lmagan edi. Lekin ko‘plab 
yoshlarni o‘z kasbining fidoyisi, yuksak malakali mutaxassis, qolaversa, 
pokiza inson va haqiqiy olim bo‘lishiga ulkan hissa qo‘shgan murabbiy 
edi. 
Ta’bir joiz bo‘lsa, 
«Odamlar borki, olim emas. Bo‘lmasa bo‘lmas. 
Olimlar borki, odam emas...»
50
.
Darhaqiqat, Sharofiddin aka o‘zining halolligi, prinspialligi va 
qattiqqo‘lligi bilan nohaqlik, adolatsizlik va nopoklik kabi illatlarga 
hamisha qarshi turgan. Shu o‘rinda ustozning bizlarga tez-tez takrorlab 
turadigan bitta to‘rtligini keltirmoqchiman: 
Asl boylik-ko‘zi to‘qlik qanoatda 
Yaxshilikdir-samimiylik saxovatda 
Baxt kaliti-halolligu, ilm, hunar 
Nafs tiymoq-demak, yashash farog‘atda. 
Sharofiddin aka hamisha adolatni, halollikni, haqiqiy bilimni 
yoqlagan, bu esa hamma vaqt ham ayrim guruhboz, manfaatparast, 
moslashuvchan, tanish-bilishchilikka moyil kimsalarga yoqmas edi. Shu 
bois, Sharofiddin akaga «nafsi oldida yuradigan ayrim guruhbozlar», 
ayniqsa, millatchilikka moyil ayrim g‘ayrimillat kimsalar tomonidan har 
xil «xuruj»lar ham uyushtirilgan. Lekin, domla butun umri davomida 
halol yashab, o‘quvchilariga bilimli, kuchli mutaxassis va eng avvalo, 
haqiqiy inson, haqiqiy o‘zbek farzandi, o‘zbek ziyolisi bo‘lish 
zarurligini ta’kidlar edi. 
«Evoh, o‘zbek bo‘lish naqadar og‘ir!»
51
.
50
Ғайбуллоҳ Ас-салом,Сайди Умр. Толибнома: (Сени ўйлайман болам.) –Т.: Шарқ, 1996.- 137б.
51
Ғайбуллоҳ Ас-салом,Сайди Умр. Толибнома: (Сени ўйлайман болам.)-Т.: Шарқ, 1996.- 135б.

---

527 
Hozirda Sharofiddin akadan saboq olgan shogirdlar ustozga 
munosib bo‘lib, turli sohalarda samarali faoliyat ko‘rsatmoqdalar. 
Sharofiddin aka Mannonov o‘z mehnat faoliyatida buxgalteriya 
hisobi bo‘yicha o‘qituvchi, yuksak malakali murabbiy va iste’dodli 
pedagog sifatida tanilgan, u Vataniga va millatiga sodiq xalq farzandi 
edi. 
Aziz o‘quvchi! Ushbu darslikni o‘qib, o‘z kelajagingiz, qolaversa, 
Vatan va millat ravnaqi yo‘lidagi ezgu ishlaringiz uchun ozgina bo‘lsa-
da, ma’naviy va ruhiy madad olgan bo‘lsangiz, muallif o‘zini bundan 
g‘oyatda mamnun hisoblaydi.O‘nlab iqtisodchi olimlarni va minglab 
malakali buxgalter-iqtisodchilarni tarbiyalashga o‘z hissasini qo‘shgan 
tabarruk ustoz Sharofiddin aka Mannonovning ruhi poklariga duo qilib 
qo‘ysangiz, bu ulug‘ savobga Siz ham sherik bo‘lar edingiz. 

---

528