R aspashonkaning taxminiy o‘lchovlari (sm)

2.2. Chaqaloqlar kiyimi
Chaqaloqlar kiyimi (kunduzi va kechasi kiyadigan ko‘ylak — raspashonka, paypoq-ishton — polzunki, qalpoqcha — chepchik va boshqalar) yengil, qulay, havoni yaxshi o‘tkazadigan, issiq tutadigan, gigroskopik bo‘lishi kerak. Ichki kiyim bolaning erkin nafas olishiga, badanda qonning harakatlanishiga xalaqit bermaydigan bo‘lishi lozim. Chaqaloqlar kiyimlarini mumkin qadar kamroq chok solib tikish kerak. Ular kunduzgi raspashonkasining yo oldi, yo orqasi ochiq bo‘ladi. Bu raspashonkalarga mutlaqo tugma qadalmaydi, uning old bo‘laklari bir-biri bilan tasma yoki lentalar bilan bog‘lanadi. Bolalar kiyimi kunduzgi yoki kechasi kiyilishiga, mavsumga hamda bolaning yoshiga qarab turli gazlamalardan (batist, paxmoq gazlama, bumazeya, surp va shu kabi mayin gazlamalardan) tikiladi. Bunday gazlamalar asosan ochiq ranglarda (ko‘p hollarda oq rangda), gullari mayda bo‘lgani ma’qul (26-rasm).

Chaqaloqlar ko‘ylakchasi — raspashonkani loyihalash (27-rasm, a). Chizmani loyihalash vaqtida quyidagi 6-jadvaldan foydalanish kerak. Chizmani loyihalash uchun quyidagi o‘lchovlar jadvaldan olinadi: 1. Raspashonkaning uzunligi — 26 sm — KU. 2. Raspashonkaning kengligi — 28 sm — KK.
6-jadval
R aspashonkaning taxminiy o‘lchovlari (sm)
Rasmda keltirilgan chaqaloqlar ko‘ylagi chizmasi asosida loyihalaysh, a) To‘g‘ri burchak chizilib, burchagiga Bn nuqta qo‘yiladi. Ko‘ylak kengligini BnBn1 = KK:2 = 28:2 = 14 sm o‘ng tomonga va uzunligini BnE = KU = 26 sm past tomonga chiziladi. So‘ngra Bn, Bn1 , E, E1 nuqtalar orqali to‘g‘ri to‘rtburchak o‘tkaziladi. Barcha razmerlar uchun doimiy qiymat bo‘lgan BnBn2 = 4 sm bo‘yin o‘mizi kengligi va BnBn3 = 1 sm orqa bo‘yin o‘mizi chuqurligi qiymatlari o‘ngga va pastga belgilangandan so‘ng Bn3 , Bn2 nuqtalar ravon egri chiziq bilan tutashtiriladi va orqa bo‘yin o‘mizi egriligi hosil bo‘ladi. Barcha razmerlar uchun doimiy qiymat bo‘lgan old bo‘yin o‘mizi chuqurligi BnBn4 = 5 sm pastga qo‘yilib, Bn4, Bn2 nuqtalar ravon egri chiziq bilan tutashtiriladi va old bo‘yin o‘mizi egriligi hosil bo‘ladi. Yeng uzunligi Bn1Bn5 = 8-10 sm o‘ngga va yeng kengligi Bn5K = 10-12 sm esa pastga qo‘yiladi. K nuqtadan o‘ng tomonga gorizontal chiziq o‘tkaziladi va Bn1E1 chiziq bilan kesishgan nuqtaga K1 nuqta qo‘yiladi. KK2 = 1 sm yuqoriga, K1K3 = 2 sm o‘ngga va K1K4 = 3 sm pastga qo‘yiladi. Doimiy qiymat bo‘lgan yon etak qismining kengayishi E1E2 = 2 sm o‘ngga qo‘yilib, K2 , K3 va K4 E2 nuqtalar chizg‘ich yordamida tutashtiriladi, K3, K4 nuqtalar esa ravon egri chiziqlar bilan tutashtiriladi.

Bolalar qalpoqchasini loyihalash b). Qalpoqchaning orqa qismini loyihalash. Òo‘g‘ri burchak chizilib, burchagiga A nuqta qo‘yiladi va qalpoqcha tomonlari qiymatlari AV = AG = BshYaA:2+3 = 12 sm (bu yerda 3 sm hamma razmerlar uchun bir xil) belgilangach, A, V, G, S nuqtalardan kvadrat hosil qilib chiziladi. Kvadratning hamma tomonlari ikkiga bo‘linib, 1, 2, 3, 4 nuqtalar bilan belgilanadi, ya’ni AV:2 =12:2 = 6 sm. Burchak A va V nuqtalardan bissektrisa chiqazib, unga 2 sm qo‘yiladi va mos ravishda 5, 6 nuqtalar bilan belgilanadi. G7 = 2 sm (o‘ng tomonga), S8 = 2 sm (chap tomonga) yordamchi nuqtalar belgilanadi, ya’ni engsa qismining kengligi hosil qilinadi. So‘ngra 7, 4, 5, 1, 6, 2, 8 nuqtalar ravon aylana egri chiziq bilan tutashtiriladi. Doimiy qiymat bo‘lgan engsa qismining ko‘tarilishini 33 = 0, 5 sm yuqoriga ko‘tariladi va 7, 3, 8 nuqtalar ravon egri chiziq bilan tutashtiriladi.

Qalpoqchaning old qismini loyihalash. To‘g‘ri burchak chizilib, uning burchagi A nuqta bilan belgilanadi. Qalpoqcha tepa qismining o‘lchangan uzunligi AV = 18 sm ni yon tomonga, qalpoqcha kengligini esa AG = BshYaA:2 = 9 smni past tomonga o‘lchab qo‘yilgach, AVGD to‘g‘ri to‘rtburchak chizib olinadi. Yordamchi nuqtalar AA1 = AV:2 = 18:2 = 9 sm topib olinadi. A burchakdan bissektrissa chiqazilib unga 1 sm qo‘yiladi va 1 nuqta bilan belgilanadi. Yordamchi nuqta G2 = 1 sm belgilangach, D, 2, 1, A1 nuqtalar chizg‘ich yordamida tutashtiriladi.