Quyosh energetikasi

14-Mavzu: Quyoshning azimut va qiyalangan burchagi bo‘yicha kuzatuvchi qabul qiluvchi maydonchaning orientatsiyasini optimalllashtirish.

Reja:

14.1.Asosiy tushunchalar

14.2.To‘g‘ri quyosh nurlanishiga qabul maydonchasini optimal orientirlash. 14.3.Quyoshning azimut va qiyalangan burchagi bo‘yicha qabul qiluvchi maydonchaning orientatsiyasini to‘g‘rilash.

Qo’llaniladigan ta’lim texnalogiyalari: dialogik yondashuv, muammoli ta’lim.Aqliy hujum, blits, baliq skileti, munozara,o’z-o’zini baholash.

Adabiyotlar:A3, A4, A6, I1, I3,I3,I,4, I6, Q2, Q3, Q5
Azimut so’zi arab tilidagi ,,as-sumut’’ so’zidan olingan bo’lib , - ,,yo’l ‘’ ma’nosini bildiradi. Azimut—joydagi ikki yo’nalish orasida hosil bo’lgan burchak. Bu yo’nalishlardan biri doim shimolga , ikkinchisi esa biz aniqlash lozim bo’lgan predmetga (biror daraxtmi , simyog’ochmi )yo’nalgan bo’ladi.

Azimutlar shimolga yo’nalishdan boshlab soat millari harakati yo’nalishi bo’yicha hisoblanadi.Rasmda simyog’ochga yo’nalish azimuti 50’ ga , zavod mo’risiga yo’nalish zimuti 135’ ga , yo’l chetidagi yo’nalish azimuti 210’ va daraxtga yonalish azimuti 330’ ga teng ekanligini ko’rasiz.

  Agarda keng tekis joyga chiqsangiz, siz turgan yer doira shaklda ko‘rinadi. Doira shakldagi tekislikning chetida osmon bilan Yer tutashib turgandek tuyuladi. Ana shu osmon bilan Yer tutashgan chiziq ufq deb ataladi. Sizdan ufqqacha bo‘lgan doira shakldagi tekis yer esa ufq tekisligi deyiladi.

Ufq tekisligining 4 ta asosiy tomoni, ya'ni: shimol, janub, g‘arb, sharq tomonlari bor. Yana 4 ta oraliq - shimoli-sharq, janubi-sharq, janubi-g‘arb va shimoli-g‘arb tomonlari mavjud. Lekin yo‘nalish esa juda ko‘p. Chunonchi, Siz turgan joydan biror uy yoki daraxtga tomon yo‘nalish to‘ppa-to‘g‘ri shimolga emas, biroz sharqqa yoki janubi-sharqqa bo‘lsa, Siz bu yo‘nalishni qanday aniqlaysiz? Ana shunday vaqtda azimut yordam beradi.