Quyash energiyasinan paydalaniw

QUYASH BATAREYALARI QALAY ISLEYDI?

Quyash batareya elementlerinin’ islewi ishki fotoeffekt ha’diysesine tiykarlang’an.Quyash elementlerin tayarlawda tiykarinan KREMNIY ha’m GALIY tiykarindag’i materiallardan paydalaniladi.Quyash panelinin’ islewinin tiykarg’i elementi Quyash kletkasi esaplanadi.Quyash kletkasi FOTOVOLTAIK kletklarin an’latadi.Quyash Fotovoltaik kletkalari jin’ishke shiysha idis tu’binde jaylasqan SALBIY N ha’m ON’ P KREMNIY qabatlarinan ibarat.Quyash nurlarinin’ fotonlari kletkanin’ SALBIY N qabatina urg’anda odan elektronlar P ON’ qabatqa ushadi ha’m ol jerdegi bos jerlerdi iyeleydi.On’ zaryadlang’an erkin elektronlar tiykarinan KREMNIY kletkasinin’ bir ta’repine tartiladi solay etip elektr quwati payda boladi.Qiyal qilin’ 20 jil aldin fotoelementler menen isleytug’in a’piwayi kalkulyatorlar da ta’n qalarli tu’yilgen.Bul olar ushin jillar dawaminda batareyani awistirmay paydalaniw imkaniyatin bergen.Endi bolsa mabil qurilmalardin’ arqa bo’leginde jaylasqan Quyash paneli yaki sol Quyash paneli arqali telefon zaryadin toltiriwshi qurilmalar hesh kimdi ta’n qaldirmaydi.Zamanagoy texnologiyalar sonshelli rawajlanip atr ha’zirde quyash energiyasinda qozg’aliwshi avtomobiller ha’tteki samalyotlarda bar.Bu’gingi ku’nde ko’p ma’mleketler da’sturiy energetikasin jedel rawajlandirip atr.ESaplawlarg’a qarag’anda 2017-jil Quyash energetikasi pu’tkil du’nya boyinsha islep shig’arilgan elektr energiyasinin’ derlik 1.8% in quradi.Biraq onin’ o’siw tezligi jilina ha’zirde 33% den asip atr.Eger Quyash energetikasinin’ o’siw tezligi ha’zirgi da’rejede saqlanip qalsa 2021-jilg’a barip du’nya boylap islep shig’arilatug’in elektr energiyasinin’ 10% Quyash energiyasina tuwra keledi.Bul bag’darda GERMANIYA,DANIYA,PARTUGALIYA,SHVETSIYA ,ISLANDIYA turaqli tu’rde ha’reketlenip kiyatr.Biraq bunnanda a’hmiyetlisi QITAY,HINDISTAN ha'm ku'shli dinamik ekonomikag’a iye bolg’an basqa ma’mleketler usi tarawda jan’a jen’islerdi qolg’a kiritip atr.Ha’zirde usi ma’melektlerde dunyadag’i en’ quwati u’lken Quyash elektrostansiyalari tiyisli.Endi itibarin’izg’a en’ u’lken Quyash elektr stansiyalari u’shligine qaratamiz.HISDISTANdin’ ANTRAPRADESH shtatinda du’nyadag’i 3-en’ u’lken FOTOVOLTAIK Quyash elektrostansiyasi bar.KORNOL ULTRA MEGASALAR PARK dep atalatug’in usi obyetkdin’ ornatilg’an quwati 1GW (GigaVat) di ya’g’niy 1000MW (MegaVat) di quraydi.Parkde 4mln den aslam Quyash pa’nelleri bar bolip,Quyashli ku’nleri usi stansiya 8 mln kW (kiloVat) Saatdan aslam elektr energiya islep shig’ara aladi.Bul KORNOL rayonin’ derlik barliq energiyasina bolg’an talabin qandiriw ushin jeterli.TENGGER DESERT SOLAR PARK bu’l du’nyadag’i 2-en’ u’lken Quyash elektrostansiyasi bolip tabiladi.Ol QITAYdin’ MONGOLIYA avtonom mintaqasinda DISXONWEY qalasinda jaylasqan.TENGGER sho’linde jaylasqan Quyash panelller stansiyasinin’ uliwma quwati 1547 MW (MegaVat) di payda etedi.Qitayda ha’tte oni ULLI QUYASH DIYWALI dep ataytug’in eken.Du’nyadag’i en’ u’lken ha’m quwati en’ ku’chli fotovoltaik Quyash elektrostansiyasi HISDISTANda jaylasqan.SHAKTISXALA YAKI PAVAGDA SOLAR PARKING dep ataliwshi stansiyanin’ quwati 2 GW (GigaVat) qa ten’ eken.Ornatilg’an 2GW obyektdin’ 8 bo’legine bo’linedi.Olardin’ ha’r biri 250 MW (MegaVat) qa ten’.Bu’l u’lken qurilma 3 jilda qurip bolindi.Esap kitaplarg’a qarag’anda og’an 2.5 mlrd AQSH dollar qarji qilindi.Soni esletip o’tiwim kerek 2017-jilg'i na'tiyjelerge qaray HINDISTANdag'i Quyash energiyasinin' ornatilg'an quwati uliwma 20GW (GegaVat)di payda etken edi.2022-jilg’a kelip ha’kimiyat 100GW(GegaVat)elektr energiyani Quyash elektrostansiyalarinan aliwdi rejelestirgen.Sonin’ ushin jaqin ku’nlerde elede ku’shli Quyash elektro stansiyalarinin’ payda boliwin ku’zetiwimiz mu’mkin.Ma’lim boliwinsha jaqin jillarda BILSEKEN ARAP A’MIRLIKLERI de Quyash energetikasin rawajlandiriwg’a qaratilg’an ha’reketlerin baslap jibergen. SAWDIA ARABISTON YAPONIYA dag’i Quyash energetikasin rawajlandiriw boyinsha SOFTBANK XOLDINGI menen sha’rtnama bitimlerin imzaladi.Bitimge ko’re ARABISTAN 200 mlrd dollar di Quyash energetikasina ajiratadi.Bul proekt alternativ energiya tarawindag’i en’ u’lken boliwi ku’tilmekte.Proektde 200GW (GegaVat) qa iye Quyash panellerin quriwi rejelestirilgen.Men bul ga’plerdi aytip atrg’animdin’ sebebi bul ma’mlektler NEFT satiw boyinsha jetekshi esaplanadi.Biraq sog’an qaramay olar qayta tiklenetug’in energiya salahiyatinan ko’re usi bag’darda ha’zirgi ku’nnin’ o’zinde-aq ha’reketlerin basladi.Oylawimsha Quyash panelleri ha’m uliwma qayta tikleniwshi alternative ,qa’wipsiz energiya dereklerinin’ barlig’i bizge jaqin keleshekte sayyaramizdin’ ekologiyasina ziyan keltirip atrg’an NEFT ha’m GAZ iynesinen dan a’ste-aqirinliq penen qutiliwimizg’a ja’rdem beredi.

.