Qushlar uchun shinam uy quramiz

Кутилаётган натижа:

• Болалар юқори ва паст ҳақида тушунчага эга бўладилар.

Керакли жиҳозлар:

• Фланелеграф, унга қўйиладиган олмалар, барглар ва дарахт расми.

• Качал полвон (қўғирчоқ театри ўйинчоғи).

Машғулотнинг бориши: Тарбиячи олма расмини кўрсатиб дейди: Болажонлар, қаранглар, қандай чиройли олма! Мен уни юқорига жойлаштираман. (Олма расмини фланелеграфнинг юқори қисмига жойлаштиради). Юқорида қанча олма бор? Менда яна олмалар бор, мен уларни пастга жойлаштираман. (Кўп олмаларни фланелеграфнинг пасти қисмига жойлаштиради). Юқорида қанча олма бор? 1 та олма қаерда? Пастда қанча олма? Қаерда олмалар кўп?».

Фланелеграфдан олмаларни олиб, дарахт расми ёпиштирилади ва болаларга навбати билан биттадан келиб баргларни жойлаштириб чиқиш таклиф қилинади. «Сиз баргни дарахтнинг юқоридаги шохига жойлаштиришни хоҳлайсизми ёки пастдаги шохигами. Яхши, юқорига жойлаштиришни хоҳласангиз, марҳамат, жойлаштиринг». Худди шу тарзда олмалар ҳам дарахт шохларига ёпиштирилади. Охирида сўралади: «Болалар, дарахтимизнинг барглари қанча? Тўғри, дарахтимизнинг барглари кўп. Баргларнинг ранги қандай? Барглар яшил рангда. Ҳар биримиз нечтадан барг ёпиштирдик? Тўғри, 1 тадан. Болажонлар дарахтимизда олмалар қанча? Тўғри, дарахтимизда олмалар кўп. Олмаларнинг ранги қандай? Олмалар қизил рангда. Ҳар биримиз нечта олма жойлаштирдик? Тўғри, 1 тадан. Кимлар олма ва баргларни юқорига жойлаштирди? Юқорига жойлаштирганлар ўнг қўлини кўтарсин. Яхши, демак Камол, Жамол, Ферузалар олма ва баргларни юқорига жойлаштирдилар. Кимлар олма ва баргларни пастга жойлаштирди? Қани ўнг қўлини кўтарсин. Яхши Улуғбек, Мафтуна, Сарварлар олма ва баргларни пастга жойлаштирдилар».