Qurilishda menejment

Makroiqtisodiy ko‟rsatkichlar 
− mamlakat yaxlit iqtisodiyoti darajasidagi 
ijtimoiy-i qtisodiy jarayon va hodisalarni o‘lchash va baholash imkoniyatini beruvchi 
ko‘rsatkichlar. Masalan, yalpi ichki mahsulot, milliy daromad, iqtisodiy o‘sish, 
ishsizlik, inflyatsiya darajasi va boshqalar.
Moliyaviy «ko‟piklar» 
− real qiymatga ega bo‘lmagan pul va obligatsiyalar 
hajmining ko‘payishi.
Moliyaviy institutlar
− belgilangan qonun-qoidalar doirasida faoliyat 
yurituvchi mamlakatdagi moliya-kredit tashkilotlari.
Mamlakat iqtisodiyotining raqobatbardoshliligi
− mamlakatning o‘rta va 
uzoq muddatga iqtisodiy o‘sishning yuqori sur‘atlarini ta‘minlab turish qobiliyati
Mahalliylashtirish 
− import qilinadigan tayyor mahsulot, butlovchi buyumlar 
va materiallarni mamlakatda ishlab chiqarishni yo‘lga qo‘yish orqali unga ichki 
talabni qondirish va eksportini yo‘lga qo‘yish.
Marketing
− bozor talablariga bo‘ysungan holda iste‘molchilar ehtiyojini 
imkoni boricha qondirishga qaratilgan xo‘jalik faoliyatini tashkil etish va boshqarish 
tizimi.
N 
Notijorat yuridik shaxs
− ixtiyoriylik asosida tashkil etilgan, daromad (foyda) 
olishni o‘z faoliyatining asosiy maqsadi qilib olmagan hamda olingan daromadlar 
(foyda)ni o‘z a‘zolari o‘rtasida taqsimlamaydigan o‘zini-o‘zi boshqarish tashkiloti.
Nou-xou
− mahsulot ishlab chiqarishni o‘zlashtirishni engillashtirish va 
tezlashtirishga imkon beruvchi texnik bilim, texnik tajriba, ishlab chiqarishning 
yashirin imkoniyatlari.
O 
Offerta
− sotuvchining mol xarid imkoni bor xaridorga ma‘lum shartlar 
asosida mol to‘plamini sotish haqida yuborgan taklifi. 
P 
Pablik rileyshnz
− mol, xizmat, firma, korxona haqida yaxshi fikrni vujudga 
keltirish jarayoni.