Qurilishda eksportlar xizmati ishini tashkil etish qurilish loyihalari

Fanning o’quv rejasidagi boshqa fanlar bilan o’zaro bog’liqligi va uslubiy jihatdan uzviyligi
“Qurilishda bahoni shakllantirish” fani mutaxassislik fani hisoblanib, II va III semestrlarda o’qitiladi. Bakalavriat o’quv rejasida o’zlashtirilgan qurilish muhandisligi va iqtisodiy fanlar negizida rejalashtirilgan mutaxasislik integrasiyalashgan fanlari bilan bog’liqlikda olib boriladi. Ushba fanni o’qitishda magistrlar qurilish konstruksiyasi, qurilish materiallari, bino va inshootlarni loyihalashtirish asoslari, qurilish texnologiyasi, qurilish iqtisodiyoti, soliq va soliqqa tortish fanlaridan etarlicha bilim va ko’nikmalarga ega bo’lishlik talab etiladi.


Fanning ishlab chiqarishdagi o’rni
Kapital qurilishda iqtisodiy islohotlarni yanada chuqurlashtirish, tarmoqda bozor iqtisodiyoti tamoyillari va talablariga mos keladigan xo’jalik munosabatlarini keng joriy etish, pudrat, loyiha ishlari va qurilish materiallarining rivojlangan bozorlarini shakllantirish, qurilishda narx belgilash mexanizmni takomillashtirish, loyihalarni amalga oshirishning pirovard natijalari va samaradorligi qurilish obe’ktining narxini to’g’ri va aniq shakllantirishga bog’liq.
Shuning uchun qurilishda “Qurilishda bahoni shakllantirish” fani mutaxassislik fanlar blokining asosiy fanlaridan biri hisoblanadi. 

Fanni o’qitishda zamonaviy axborot va pedagogik texnologiyalar
Talabalarning“Qurilishda bahoni shakllantirish” fanini o’zlashtirishlari uchun ilg’or va zamonaviy usullardan foydalanish, yangi informasion-pedagogik texnologiyalarni tadbiq qilish muhim ahamiyatga egadir.
Fanni o’zlashtirishda darslik, o’quv va uslubiy qo’llanmalar, ma’ruza matnlari, tarqatma materiallar, elektron materiallar, loyiha-smeta tuzuvchi elektron dasturlar, virtual materiallardan, loyiha va smeta hujjatlaridan foydalanilandi. Fanni o’zlashtirish jarayonida AVC-4Uz, TNQurilish dasturlaridan keng foydalaniladi.
Ma’ruza va amaliy mashg’ulot darslarida mos ravishdagi pedagogik axborot texnologiyalaridan foydalaniladi.