Qurilish materiallari va buyumlari

Bo‘yoq va loklarning qurish tezligini aniqlash
 
Bo‘yoq va lok ashyolari quriganda ularning yuzasida chang olmaydigan yupqa parda hosil 
bo‘ladi. 
Asbob-uskunalar:
quritish shkafi, shisha plastinkalar, termometr, mo‘y qalam, flens (yassi mo‘y 
qalam). 
Ishlash tartibi.
Quritish shkafiga chang kirmasligi uchun shamollatish yo‘llari doka bilan 
yopiladi, shkafning bir chetiga undagi namni o‘ziga yutib turuvchi suvsiz CaCl
2
 dan qo‘yiladi. 
Sinaladigan bo‘yoqqa olifdan oz-ozdan qo‘shib, uni ishlatish uchun yaroqli quyuqlikka keltiriladi 
va shisha plastinka to‘la berkitish darajasigacha mo‘y qalam bilan bo‘yaladi. Plastinka yuzasiga 
surkalgan bo‘yoq flens bilan tekislanadi. Keyin shisha plastinkani 45° qiya qilib, 20°S haroratli shkafga 
qo‘yiladi va vaqt-vaqti bilan olib, og‘zidan 10 sm masofada ushlab puflanadi. Agar, plastinka yuzasidagi 
bo‘yoqda yupqa parda hosil bo‘lgan bo‘lsa, uning yuzasidagi bo‘yoq pardaga puflaganda kichik to‘lqin 
bo‘lib suriladi, bu bo‘yoq qurishining boshlang‘ich bosqichini bildiradi. SHisha plastinkaga bo‘yoq 
surkalgandan keyin uning yuzasida yupqa parda hosil bo‘lguncha o‘tgan vaqt bo‘yoqning boshlang‘ich 
qurish tezligini bildiradi. Bo‘yoqning to‘la qurish tezligini aniqlash uchun shisha plastinkalar qaytadan 
quritish shkafiga qo‘yiladi va vaqt-vaqti bilan plastinkani olib, uning bo‘yalgan yuzasiga bir bo‘lak paxta 
qo‘yiladi; paxta ustiga yog‘och taxtacha qo‘yiladi; uning ustiga esa 200 g li yuk qo‘yiladi. Oradan 30 sek 
o‘tgach yog‘och taxtacha olinadi va plastinka yuzasiga paxta tolalarining yopishgan-yopishmaganligi 
ko‘rib chiqiladi. Agar bunda plastinka yuzasiga paxta tolalari yopishmasa, bo‘yoq, to‘la qurigan bo‘ladi. 
Bo‘yoqning to‘la qurish tezligi (sek da) deganda, qurish boshlangan vaqtdan to yuzasiga 200 g li yuk 
ostiga paxta qo‘yib bosganda, bo‘yoqqa mutlaqo yopishmaydigan darajagacha qurishi uchun ketgan 
vaqtni tushunmoq zarur.