Qurilish materiallari

Ko'pik-shisha shisha kukuni va gaz hosil qiluvchilarni (koks va ohaktosh) eritib, ko'pchitib tayyorlanadi. U xumdondan brus shaklida uzluksiz chiqadi, kerakli o'lchamlarda (oson) kesiladi va sekin sovutiladi. Ko'pik-shisha devorlarida mikrog'ovaklar ko'p bo'lgani uchun yuqori issiqlik izolatsiyasi xususiyatiga, mustahkamlikka, suv va sovuqqa chidamlilikka ega (14.3-rasm).
Ko'pik-shishaning g'ovakligi 80-95%, o'rtacha zichligi 200-600 kg/m³, issiqlik o'tkazuvchanligi 0,09-0,14 W/(m.°C), siqilishdagi mustahkamligi 2-6 MPa. Ko'pik-shisha yonmaydigan material bo'lib, 400°C haroratda ishlatiladi. Tarkibida ishqor bo'lmagan ko'pik shishalar 600°C haroratda xossalarini o'zgartirmaydi. Ularni oson kesish va ishlov berish mumkin. Ko'pik- shisha plitalar uzunligi 500 mm, eni 400 mm va qalinligi 70-140 mm ishlab chiqariladi va issiqlik tarmoqlari, magistral truboprovodlar, devorlar, shift, sovuqxonalar qurilishida ishlatiladi.

14.3-rasm. Ko’pik shisha

Steklopor suyuq shisha va mineral kukunlar (bo'r, kvars qumi, TES kuli va boshq.) aralashmasini granula va ko'pchitib (320-360°C) olinadi (14.4-rasm). Steklopor uch markada ishlab chiqariladi: «SL»- p_m =15-40 kg/m³, X = 0,028-0,035 W/(m.°C); «L»-p - 40-80 kg/m³,λ = 0,032-0,04 W/(m.°C); «T»-p_m= 80-120 kg/m³, λ = 0,038-0,05 W/(m.°C). Steklopor va turli bog'lovchilar asosida kompozitsion materiallar donali, mastikali va quyma holatda issiqlik izolatsiyasi uchun ishlatiladi. Uni ko'pikplastlar tarkibiga kiritib buyumlarning mustahkamligini, olovga bardoshliligini oshirish va bog'lovchi sarfini kamaytirish mumkin.





14.4-rasm. Steklopor


14.3.3. Asbest asosidagi buyumlar

Asbest asosidagi buyumlarga asbest qog'oz, kanop, mato, plita va shu kabilar kiradi. Buyumlar bog'lovchilar (kraxmal, kazein yelimi va boshq.) asosida yoki bog'lovchisiz olinishi mumkin.

Asbest-qog'oz list yoki o'rama material bo'lib,quyidagi o'lchamlarda ishlab chiqariladi: listlar -1000x950 mm, qalinligi 0,5; 1,0 va 1,5 mm; o'rama qog'ozlar polotnosi eni 670, 950 va1150mm, qalinligi 0,3; 0,4; 0,5; 0,65 va 1,0 mm. Asbest qog’ozning o'rtacha zichligi 650-1500 kg/m³, issiqlik o’tkazuvchanligi 0,1W/(m.°C), eng yuqori ishchi harorat 500°C (14.5-rasm).