Qurilish materiallari

Duradgorlik taxtalari 16-50 mm reykadan iborat shchitlami ikki tomoniga shpon yopishtirib olinadi. Ular eshik, pardevor, mebel tayyorlashda ishlatiladi. Yog'ochtolali taxtalar yog'och tolalari, kukunto'ldirgich, suv polimer va qo'shimchalar (antiseptik, antipiren, gidrofobizator) aralashmasini issiq holatda presslab olinadi. Yog'och tolalari yog'och chiqindilaridan uskunalar yordamida qayta ishlab olinadi. Qattiq taxta ko'p qavatli presslarda 150-165°C haroratda, 1-5 MPa bosim ostida presslab tayyorlanadi. Besh turdagi taxtalar ishlab chiqariladi: o'ta qattiq (p_m>950 kg/m³, R_eg>50 MPa), qattiq (p_m>850 kg/m\ R_eg>40 MPa), yarimqattiq (p_m>400 kg/m³, R_eg>15 MPa), izolatsiyalovchi-bezak (р_ш>250-300kg/m³, R_eg>2 MPa), izolatsiyalovchi (p_m<250 kg/m³, R >1,2 MPa). Ulaming uzunligi 1200-3600 mm va eni 1000-1800 mm. Qattiq taxtalar qalinligi 3-8 mm, izolatsiya uchun 8-25 mm. Taxtalar pol, shift, devor qoplamalarida, mebelsozlikda ishlatiladi.
Yog'och qirindili taxtalar maxsus tayyorlangan qirindilarni karbamid yoki fenolformaldegid polimer bog'lovchilar (8-12%) bilan aralashmasini issiq holatda presslab olinadi. Ular turli zichlikda (g/sm³) ishlab chiqariladi: o'ta zich 0,81-1,0; zich 0,66-0,8; o'rtacha zichlikda 0.51-0,65; kam 0,36-0,5; juda kam 0,35. Taxtalar uzunligi 1800-3500, eni 1220-1750, qalinligi 4-100 mm bo'ladi.
Ular konstruktiv, bezak, issiqlik va tovush izolatsiyasi buyumlari sifatida ishlatiladi.
Yog'och qatlamli piastiklar yog'och shponlarni rezol, fenolformaldegid polimerida shimdirib, yelimlab olinadi. Uning zichligi 1,25-1,33 g/sm³, tolalari bo'ylab cho'zilishdagi mustah­kamligi 140-260 MPa, egilishdagi mustahkamligi 150-280 MPa, zarbiy mustahkamligi 3-8 MPa. Piastiklar erituvchilar, moylar va boshqa agressiv muhitlarga chidamli bo'Iib, magnitlanmaydi, ishqalanishga qarshilik zarur bo'lgan joylarda ishlatiladi.